LAMKALTU 23:21 - Lai (Hakha) Common Language Bible 2006

²¹ Sihmanhsehlaw an bia cu ngai hna hlah, zeicahtiah minung sawm li a thli tein amah a bawhmi kha an um. Kan thah hlanah cun rawl zong kan ei lai lo, ti zong kan ding lai lo, tiah chiat an i serh. Cu tuah dingah cun atu ah hin timhcia tein an um ko i nangmah biakhiahnak kha an in hngak ko,” tiah a ti.

Laibaibal Thiang (BSI)

²¹ Asinain an bia rak zum hlah. An lak ah mi 40 renglo nih an bawh, cu mi hna nih amah an thah hlan pauh cu zeihmanh eiding lo dingin chiat an i serh: atu hi na bia hngak in timhcia in an um ko,” tiah a ti.

LAMKALTU 23:21 Խաչաձեւ Հղումներ

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

LAMKALTU 25:3

Paul cu lam ṭim i rak thah awk kha khua an khan caah Festas cu zaangfahnak tein Paul cu Jerusalem ah ratter ko tiah an nawl.

LAMKALTU 20:19

Toidorte le mitthli he Bawipa sal ka si bangin, Judah mi nih an ka rawiphiar ruangah harnak ing lengmang in ka rian kha ka ṭuan.

EXODUS 23:2

Ṭhat lonak tuah ah an tam deuh ai pat tiin a tam deuh leiah khan va ṭang hlah, cun biaceihnak ah a tam deuh lawmhnak a si paoh ahcun tiin dinnak a khamtu tehte va si hlah.

LUKA 11:54

zei maw ti tal in bia a chim sualmi a um kho in a chim sualmi lila ah cun kan tlai kho hnga maw tiin thil tampi kong ah bia an hal lengmang.

LAMKALTU 23:22

Ralkapbu haotu nih cun a thawh i, “Hi kong na ka chimh hi ahohmanh va chim hna hlah,” tiah a ti i tlangvalpa cu a kalter.