LAMKALTU 23:12 - Lai (Hakha) Common Language Bible 2006

¹² A thaizing ah Judah mi a cheukhat kha hmunkhat ah an i tong i khua an khang. Paul kan thah hlanah cun rawl zong kan ei lai lo, ti zong kan ding lai lo, tiah biakamnak an tuah.

Laibaibal Thiang (BSI)

¹² A thaizing ah Judah mi cheukhat an i tong i Paul an thah hlan lo zeihmanh eiding lo dingin chiatserh in bia an i kam.

LAMKALTU 23:12 Խաչաձեւ Հղումներ

LAMKALTU 23:30

Cun Judah mi a cheukhat nih amah thah khawhnak ding khua an khang ti kha ka theih tikah nangmah sinah ka rak kuat ahcun a ṭha lai tiah ka ruah. Cun sual a phawtu hna cu ka thawh hna i amah cu nangmah hmaika ah taza va cuai u, tiah ka ti hna,” tiah a ti.

LAMKALTU 23:21

Sihmanhsehlaw an bia cu ngai hna hlah, zeicahtiah minung sawm li a thli tein amah a bawhmi kha an um. Kan thah hlanah cun rawl zong kan ei lai lo, ti zong kan ding lai lo, tiah chiat an i serh. Cu tuah dingah cun atu ah hin timhcia tein an um ko i nangmah biakhiahnak kha an in hngak ko,” tiah a ti.

LAMKALTU 23:14

Cun tlangbawi upa hna le upa dang hna sinah khan an va kal i, “Paul kan thah hlan paohpaoh zeihmanh kan ei lai lo tiin biakamnak kan tuah cang.

SALM 31:13

Ka ral tampi nih a thli tein an ka congoih, ṭihnak nih a dum in a ka dum. ka loh nakhnga ding khua kha an khan i keimah thahnak ding khua kha an ruat lengmang.

LAMKALTU 25:3

Paul cu lam ṭim i rak thah awk kha khua an khan caah Festas cu zaangfahnak tein Paul cu Jerusalem ah ratter ko tiah an nawl.

JEREMIAH 11:19

Thah awkah an hruai bang a rak zul hniapmapmi hna tuu bantuk ka rak si; Keimah rawinak caah khua an rak khan i, ‘Thingkung cu a thling a um lioah hau u sih. A min hrimhrim kha philh dup in philh a si nakhnga minung lak hin a hloh in hlo u sih,’ an rak ti kha ka rak hngal lo.

MATTHAI 26:4

a thli tein Jesuh kha tlaih i thah ding kha khua an khang.

2 SIANGPAHRANG 6:31

Cun anih nih, “Shafat fapa Elisha kha nihin ah hin a liang cungah a lu kha a taan rih a si ahcun, Pathian nih cu bantukin le cu nak tam deuh zongin ka cungah tuah ko seh,” tiah a ti.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

1 KORIN 16:22

Bawipa a daw lomi cu an cungah chiat si ko seh. Maranatha — Kan Bawipa, ra cang ko!

1 SIANGPAHRANG 19:2

Cun Jezebel nih Elijah sinah cun lamkal pakhat a hei thlah i, “Na nunnak cu annih lak i pakhat nunnak bantuk ah khan thaizing atu tik caan i ka ser lo ahcun, cu bantukin le cu nak tam deuh zongin pathian hna nih cun ka cungah tuah ko hna seh,” tiah a ti.

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.

MATTHAI 27:25

Mizapi nih cun an dihlak in, “Hi pa thahnak ruang i dantatnak cu kanmah le kan tefa hna cungah tlung ko seh,” an ti.

MATTHAI 26:74

Cun Peter nih cun chiatser in, “Biatak ka chim lo a si ahcun Pathian nih dan ka tat seh. Cu pa cu ka hngal hrim lo,” tiah a ti. Cu caan te ah cun ar a hung khuang i

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

JOSHUA 7:15

Bawipa biakamnak cu a buar i Israel mi lakah ningzah awk a simi thil a tuah caah, pekchanhmi thil a rak lami cu, amah he a ngeihmi vialte he, mei in khangh a si lai,” tiah a ti.

JOSHUA 6:26

Khi tikah Joshua nih chiatser in, “A tho i hi Jeriko khua a sa ṭhanmi cu Bawipa hmaiah chiatserh si seh. A fater luhloh in a hram lung cu a phum lai i A fapa hniang bik luhloh in a kutka cu a bunh hna lai,” tiah a ti hna.

LEVITIKAS 27:29

Ulh amhmi minung cu ahohmanh a si ah, mi sinin hrawh cikcek hngami paohpaoh cu tlanh a si lai lo; thah a si ko lai.

JOSHUA 7:1

Sihmanhsehlaw pekchanhmi thil kongah cun Israel mi cu zumhawktlak loin an um ai; zeitintiah Judah phun chungmi Zerah fapa Zabdi fapa Karmi fapa Akhan nih pekchanhmi thil cu tlawmpal a lak i Bawipa thinhunnak cu Israel mi cungah a alh.

GENESIS 37:18

Lamhlat piin a rat lio kha an hei hmuh i an pawng a phak hlanah amah thah nakding khua kha an rak khang.

JEREMIAH 44:25

Hi bangin Ralkapbu Bawipa, Israel Pathian nih a ti: Nu hna, nan bia le nan tuahnak kha nan zulhter. ‘Kan i kammi, Vancung Khuazingnu sin i raithawinak khangh le a sin i thlet thawinak pekchanh cu kan tlinter lai,’ nan ti. Si ko seh, nan biahrennak cu tlinter u law nan biakamnak cu tuah taktak hna u.

LAMKALTU 9:23

Ni tam nawn hnuah khin Judah mi cu an i pum i Saul thahnak dingah khua an khang;

LAMKALTU 9:24

sihmanhsehlaw tuah an i timhmi kha a chimtu an rak um. Amah kha thah an duh caah cun chunzan in khua kutka kha an cawngh hna.

LAMKALTU 23:13

Cu bantukin khua a khang ṭimi hna cu sawm linak tam an si.

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

1THESALON 2:16

Khamhnak a petu hna ding bia kha Jentail mi cu chim hna hlah u, an kan ti. Annih nih an sualnak cu an tamter chin luaimai i atu cu Pathian thinhunnak nih khan a tlakhnawh hna.

ESTHER 2:22

Cun mah cucu Mordekai nih a hngalh tikah Siangpahrangnu Esther cu a chimh i Esther nih siangpahrang cu Mordekai min in a chimh.