LAMKALTU 22:25 - Lai (Hakha) Common Language Bible 2006

²⁵ Sihmanhsehlaw tuk ding i an hun hren ah khin Paul nih cuka i a dirmi bawi cu a thawh i, “Rom mi a simi, zeidah a sual ti hmanh ceih rih lomi tuk hi, na caah upadi ning a si lai maw?” tiah a ti.

Laibaibal Thiang (BSI)

²⁵ Saphaw hri in a ṭem hnuah Paul nih a pawng i a dirmi ralbawi pa sinah, “Rommi tuk hi phungning a si maw, thiamlo cotermi zong a si fawn lo?” tiah a ti.

LAMKALTU 22:25 Խաչաձեւ Հղումներ

LAMKALTU 16:37

Sihmanhsehlaw Paul nih palik bawi pawl kha a thawh hna i, “Kannih cu kan sualnak zeihmanh an kan hmu lo, asinain zapi hmaiah fung in an kan tuk — Rom mi kan si ve ṭung! Cun thong chungah an kan thlak. Cun atu cu a thli tein kalter an kan duh. A si kho lai lo. Rom bawi pawl cu anmah hrimhrim ra hna seh law ra kan chuah hna seh,” tiah a ti.

LAMKALTU 25:16

Sihmanhsehlaw Rom mi nih cun ahohmanh an si ah taza a cuaitu hna kha hmaitonh tein an ton hna i sual an puhmi kha i chim khawh venak dingah a caan pek lo cun sual an puhmi kha an sinah pek phung a si lo, tiah ka ti hna.

LAMKALTU 27:43

Sihmanhsehlaw ralbawipa nih khan Paul kha khamh a duh caah a thlauh hna. Cucaah aa leuh khomi paoh tikam leiah i leuh u, tiah nawl a pek hna;

LAMKALTU 23:17

Cun Paul nih ralbawi pakhat kha a kawh i, “Ralkapbu haotu sinah hi tlangvalpa hi hei kalpi tuah, zeilo chimh awk a ngei,” tiah a ti.

LAMKALTU 27:3

A thaizing ah cun Sidon khua kha kan phan. Julias cu Paul cungah khan a ṭha ngaingai i va kal i a hawikom hna va hmuhtak kha a onh i a herhmi rak pekchanh zong kha a onh hna.

LAMKALTU 27:1

Itali ram ah tilawng in nan kal lai tiah bia an kan khiahpiak tikah, Paul le a dang thongtla tlawmpal hna kha Rom ralkap chung i “Siangpahrang Ralkapbu” timi haotu Julias sinah khan an pek hna.

LAMKALTU 10:1

Sisaria khua ah hin mipa pakhat a rak um i a min cu Kornelias a si; amah cu Rom ralkapbu pakhat, “Itali Ralkap Bu” timi a haotu kha a si.

MATTHAI 27:54

Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, “Hi mi hi Pathian Fapa a si hrimhrim ko,” an ti.

MATTHAI 8:8

Ralbawipa nih cun, “Aa, bawipa, si hlah! Nang ka inn i rat dingah hin kaa tlak lo. Nawl hei pe law ka sinumpa cu a dam ko lai.

MATTHAI 10:17

An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

LAMKALTU 22:26

Cu bawi nih cucu a theih tikah ralkapbu haotu sinah cun a va kal i, “Na tuahmi hi zeidah a si ti awk na hngal maw? Hi pa hi Rom mi fawh a si hi!” tiah a ti.

LAMKALTU 23:27

Judah mi nih hi pa hi an tlaih i an thah dengmang. Amah cu Rom mi a si ti kha ka hngalh i cucaah ka ralkap hna he kan hung kal i kan hung khamh.