LAMKALTU 21:33 - Lai (Hakha) Common Language Bible 2006

³³ Ralkap haotu nih cun Paul cu a tlaih i thir cikcin a thuah in nan khih lai tiah a ti. Cun aa thawh i, “Hi pa hi ahodah a si? Zeidah a tuahmi a si?” tiah a hal hna.

Laibaibal Thiang (BSI)

³³ Ralbawi ngan nih Paul cu a hun naih i a tlaih. Cikcin pahnih in khit u tiah a ti, ahodah a si i zeidah a tuah tiah a hal.

LAMKALTU 21:33 Խաչաձեւ Հղումներ

EFESA 6:20

Cu thawngṭha lamkaltu cu — thir cikcin he ka si. Cu kong ka chim tikah ka ral a ṭhat nakhnga thla rak cam u.

LAMKALTU 21:11

Kan sinah cun a ra i Paul taisawm kha aa lak i a kut le a ke kha taisawm cun aa tem i, “Hihi Thiang Thlarau chimmi a si: Hi taisawm a ngeitupa hi hi bantukin Jerusalem khua ah Judah mi nih an ṭem lai i Jentail mi hna kut ah an chanh lai,” tiah a ti.

LAMKALTU 20:23

Ka hngalhmi cu Thiang Thlarau nih a ka chimh bantukin, khua kip ah thongtlaknak le harnak nih an ka orh ko ti hi a si.

LAMKALTU 12:6

Herod nih zapi hmaiah ka chuahpi cang lai tiah a timi caan a phak lai zan ah khan, Peter cu ralvengtu ralkap pahnih hna karlak ah khan a it. Thirhri pahnih in an hren i thonginn kutka cu ralvengtu nih an cawngh.

LAMKALTU 28:20

Cucaah cun nannih hmuh le biaruah kan duhnak hna cu a si; hi thir cikcin in an ka khihnak hi Israel mi nih an rak i ruahchan zungzalmi pa ruangah a si,” tiah a ti hna.

LAMKALTU 22:29

Paul cu bia kan hal lai tiah a timi hna kha hmakhatte ah an i let ṭhan i ralkapbu haotu cu Paul kha Rom mi a si ti a hun hngalh tikah, thir cikcin in a rak khih kha a thin a phang.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

2TIMOTE 1:16

Onesiforas nih voi tampi ka lung a ka lawmhter caah Pathian nih a innchungkhar cu zaangfahnak pe ko hna seh. Thong ka tlak kha a ka zahpi lo,

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

LAMKALTU 25:16

Sihmanhsehlaw Rom mi nih cun ahohmanh an si ah taza a cuaitu hna kha hmaitonh tein an ton hna i sual an puhmi kha i chim khawh venak dingah a caan pek lo cun sual an puhmi kha an sinah pek phung a si lo, tiah ka ti hna.

BIACEIHTU 16:21

Cun Filistin mi nih an tlaih i a mit an khoih i Gaza ah an vun kalpi i dar hreng an khenh; cun thonginn chungah rawl rialnak lung in rawl kha an rialter.

BIACEIHTU 16:12

Cucaah Delilah nih hri thar cu a lak hna i amah cu cu hri cun a ṭem i, “Samson, Filistin mi nih an in tlaih cang lai hih!” tiah a ti. Cun a bawhtu hna cu innchung chungchin ah an um. Sihmanhsehlaw a kut ṭemnak hri cu lazai bantuk men in a chah hna.

BIACEIHTU 16:8

Cun Filistin bawi hna nih cun a ro rih lomi liza a thar pasarih cu an rak put i cu cun a ṭem.

BIACEIHTU 15:13

Annih nih, “Kan in that lai lo; a ṭem lawng kan in ṭem lai i an kut chungah kan in pek lai; kan in that hrim lai lo,” tiah amah cu an ti. Cucaah hri thar pahnih in an ṭem i lungpi chung cun an hun chuahpi.

LAMKALTU 22:30

Ralkapbu haotu nih cun Judah mi nih Paul hi zei sette dah an puh ti kha hngalh a duh caah a thaizing ah cun Paul cu a thir cikcin kha a phoih i tlangbawi upa hna le khawngsil pawl kha i pum u tiah nawl a pek hna. Cun Paul cu a kalpi i an hmaiah khan a dirter.

FILIPI 1:7

Ka hnakkar ah nan i tenh zungzal ko. Hi bantukin nan cungah lungthin ka ngeih hi ka ngeih hrim awk a si ko, zeicahtiah nan ka dawt tuk hringhran i thong i ka tlak ah siseh, leng i ka luat ah siseh, Thawngṭha kha ahmaan i biatak a si tiin ka chimnak rian ah khan nan ka bawmh zungzal.