LAMKALTU 21:11 - Lai (Hakha) Common Language Bible 2006

¹¹ Kan sinah cun a ra i Paul taisawm kha aa lak i a kut le a ke kha taisawm cun aa tem i, “Hihi Thiang Thlarau chimmi a si: Hi taisawm a ngeitupa hi hi bantukin Jerusalem khua ah Judah mi nih an ṭem lai i Jentail mi hna kut ah an chanh lai,” tiah a ti.

Laibaibal Thiang (BSI)

¹¹ Kan sinah a rat tikah. Paul taisawm â lak i a kut le a ke â ṭem i, “Hi taisawm ngeitu hi hi bangin Jerusalem ah an ṭem lai i Gentel hna sinah an pêk lai, Thiang Thlarau nih a chim,” tiah a ti.

LAMKALTU 21:11 Խաչաձեւ Հղումներ

LAMKALTU 21:33

Ralkap haotu nih cun Paul cu a tlaih i thir cikcin a thuah in nan khih lai tiah a ti. Cun aa thawh i, “Hi pa hi ahodah a si? Zeidah a tuahmi a si?” tiah a hal hna.

LAMKALTU 20:23

Ka hngalhmi cu Thiang Thlarau nih a ka chimh bantukin, khua kip ah thongtlaknak le harnak nih an ka orh ko ti hi a si.

1 SIANGPAHRANG 22:11

Cun Khenaanah fapa Zedekiah nih thir ki aa ser hna i, “Hi bangin Bawipa nih, ‘Siria mi cu an rawk dih tiang, mah hi hin na suk hna lai,’ a ti,” tiah a ti.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

HEBRU 10:34

Thongtlami kha an thongtlak nan inpi hna i nan thil an in chuh hna tikah lunglawm tein nan pek hna, hi thil hna nakin a ṭha deuhmi thil le a hmun kho deuhmi thil nan ngeih kha nan hngalh.

HEBRU 3:7

Cucaah Thiang Thlarau nih a ti bantukin, “Nihin ah Pathian aw kha nan theih ahcun lungkhong in um hlah u;

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

EFESA 6:20

Cu thawngṭha lamkaltu cu — thir cikcin he ka si. Cu kong ka chim tikah ka ral a ṭhat nakhnga thla rak cam u.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

EFESA 3:1

Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

LAMKALTU 28:25

Paul nih hi thil pakhat hi a chim hnuah anmah lakah khan lung i rual lo ngaiin an ṭian. Cu a chimmi cu hihi a si: “Thiang Thlarau nih profet Isaiah thawngin nan pupa hna sinah a chimmi bia cu a va hmaan thiam dah.

LAMKALTU 28:20

Cucaah cun nannih hmuh le biaruah kan duhnak hna cu a si; hi thir cikcin in an ka khihnak hi Israel mi nih an rak i ruahchan zungzalmi pa ruangah a si,” tiah a ti hna.

LAMKALTU 28:17

Ni thum hnuah cuka i a ummi Judah mi hruaitu hna kha Paul nih cun pumh a sawm hna. An i pumh tikah a thawh hna i, “Ka u le ka nau hna, kan miphun cungah siseh, kan pupa hna sinin kan hmuhmi kan phunglam cungah siseh ṭhat lonak zeihmanh ka tuah lo nain Jerusalem ah thong ah an ka thlak i Rom mi hna kut chungah an ka chanh.

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

LAMKALTU 24:27

Kum hnih a luan tikah Feliks cu Porsias Festas nih a hun thlen. Feliks nih Judah mi nih ka duh hna seh ti kha a duh caah Paul kha thong chungah khan a chiahtak.

LAMKALTU 22:25

Sihmanhsehlaw tuk ding i an hun hren ah khin Paul nih cuka i a dirmi bawi cu a thawh i, “Rom mi a simi, zeidah a sual ti hmanh ceih rih lomi tuk hi, na caah upadi ning a si lai maw?” tiah a ti.

LAMKALTU 16:6

Asia ram chungah Thiang Thlarau nih Thawngṭha kha chim awkah a onh hna lo caah Frizia le Galatia ram chungah khan khual cu an tlawng.

LAMKALTU 13:2

Annih nih Bawipa kha an biak i rawl an ulh lioah khan, Thiang Thlarau nih a thawh hna i, “Barnabas le Saul hi, ka thiahmi hna rian kha an ṭuan nakhnga, a dang tein ka chiahpiak hna u,” tiah a ti.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

HOSEA 12:10

Profet hna sinah cun bia ka chim i langhnak tampi ka pek hna. Atu cu profet hna sin cun rawhralnak kha ka tlunter lai.

ISAIAH 20:2

Cu hlan kum thum ah khan Bawipa nih Amoz fapa Isaiah cu, naa hrukmi khum puan le na kedan kha i phoih hna, tiah a rak ti. Bawipa nih a chimh bang cun, taklawng le kelawng in aa chawk.

JEREMIAH 19:1

Bawipa nih hitin a ti: “Va kal law tlak in sermi thawl pakhat va caw. Cun an upa tlawmpal hna le an tlangbawi tlawmpal kha i kalpi hna law,

JOHAN 18:1

Jesuh nih hi bangin thla a cam dih hnuah a zultu hna he khan Kidron varek ralchan ah khan an kal. Cuka ah cun dum pakhat a um i cu dum chungah cun Jesuh le a zultu hna cu an lut.

LAMKALTU 8:29

Thiang Thlarau nih Filip cu a thawh i, “Va kal law khi rangleng khi va naih tuah,” tiah a ti.

LAMKALTU 21:4

Cuka ah cun a zummi tlawmte kan va hmuh hna i an sinah zarh khat kan cam. Thlarau nih a chimh hna bangin, Paul cu Jerusalem khua ah khan kal hlah tiah an thlauh.

1TIMOTE 4:1

Hmailei ah cun mi a cheu nih zumhnak kha an hlawt lai i lih a chimmi thlarau tu kha an bia an ngaih hna lai i khuachia cawnpiaknak kha an zulh lai, tiah Thlarau nih fiang tein a chim.