LAMKALTU 20:33 - Lai (Hakha) Common Language Bible 2006

³³ Ahohmanh an ngun zong ka hngar hna lo, an sui zong ka hngar hna lo, an hnipuan zong ka mit an thi bal lo.

Laibaibal Thiang (BSI)

³³ Aho nan phaisa, sui, thilthuam kan hngar bal hna lo.

LAMKALTU 20:33 Խաչաձեւ Հղումներ

2 KORIN 11:9

Nan sin i ka um lioah khan, phaisa ka herh tikah nanmah cu hna kan hnawh hna lo, Masidonia in a rami kan unau pawl nih ka herhmi vialte cu tlamtling tein an rak ka phorh. Kan hnulei i a si cang bantukin kan hmailei zongah siseh ti ka duh: nan caah thilrit ka si bal lai lo.

1 KORIN 9:12

Midang nih nan sinin cu bantuk hmuh awk kha an i ruahchan ahcun, kannih nih cun kan i ruahchan chinchin awk a si hnga lo maw? Sihmanhsehlaw kannih nih cun, cuticun kan in ti duh hna lo. Khrih kong thawngṭha hi, zeilo nih maw dawn sual lai tiin zeizong vialte kha a in tu in kan in.

1 KORIN 9:18

A si ahcun ṭuan man zeidah ka hmuh? Ka hmuhmi cu, thawngṭha ka chimnak ka rian ah hin, cucu ka hmuh awk, khakha ka hmuh awk ti loin, alak tein ka chim i cu ka chimnak thawngin lungriamhnak ka hmuhmi hi a si.

2 KORIN 7:2

Nan lungthin chungah hmun rak kan serpiak ve u. Aho nan cung hmanh ah sualnak kan tuah lo, ahohmanh kan in hrawk hna lo, ahohmanh kan in ei kan in hmuar hna lo.

1THESALON 2:5

Kan hmanmi bia kha nanmah nih nan hngalh bantukin, mi hei faknak bia men an si lo i Pathian zong nih a hngalh bantukin duhfahnak lungthin khuhnak bia men an si lo.

1 KORIN 9:15

Sihmanhsehlaw hi bantuk thil hi pakhat hmanh nan cungah ka hmang lo, hi ca kan kuat hna zong hi cu bantuk ka duh caah a si lo. A thih hmanh ka thi deuh hnga! Kaa porhlawt lenmi hi ahohmanh pakpalawng ah serter ka duh hna lo.

1 PETER 5:2

Pathian nih an pekmi hna tuurun a khaltu kha si u law Pathian nih zohkhenh hna seh ti an duh hna bantukin lungtho lo si loin lungtho tein zohkhenh hna u. Ṭuan man hmuh ding men ah si loin ṭuan nan duh taktak ruang tu ah nan rian kha ṭuan u.

NAMBAR 16:15

Cun Moses cu a thin a hung ngai-ngai i Bawipa sinah, “An pekchanhnak cu hmaizah hlah. Annih sinin laa pakhat hmanh ka la lo i annih kha pakhat hmanh ka fahter hna lo,” tiah a ti.

1 KORIN 9:4

Ka rianṭuanmi caah hin ti le rawl ka hmuh ve awk a si lo maw?

2 KORIN 11:7

Pathian Thawngṭha cu kan chimh hna tikah khan a man zeihmanh kan la hna lo; nanmah kha hlorh kan duh hna caah keimah tu kha kaa namh. Cucu ka palh maw?

3 JOHAN 1:7

Zeicahtiah Khrih rian ṭuan awk khualtlawn ah khan, a zum lomi sinin bawmhnak zeihmanh la loin, an i thawh.