LAMKALTU 2:37 - Lai (Hakha) Common Language Bible 2006

³⁷ Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

Laibaibal Thiang (BSI)

³⁷ Cu bia an theih tikah, an lungthin a hriah hna i Peter le lamkaltu hna sinah, “U le nau hna, zeidah kan tuah kun lai?” tiah an ti.

LAMKALTU 2:37 Խաչաձեւ Հղումներ

LUKA 3:10

Mizapi nih cun an thawh i. “A si kun ahcun zeidah kan tuah kun lai?” an ti.

LAMKALTU 22:10

‘Zeidah ka tuah lai, Bawipa?’ tiah ka hal i Bawipa nih cun ‘Tho law Damaskas khua chungah va lut tuah; khika ah Pathian nih na tuah awkah a ruahmi vialte cu an rak in chimh lai,’ tiah a ka ti.

LUKA 3:14

Ralkap zong kha an ra i, “Kannih tah zeitin? Zeidah kan tuah awk cu a si ve lai?” an ti. Annih cu a thawh hna i, “Ahohmanh hramhram in tangka va chut hna hlah u; va tlerhkhonh fawn hna hlah u. Nan lahkhah ah khan nan lung va tling ko u,” tiah a ti hna.

LUKA 3:12

Ngunkhuai khawltu pawl kha tipil in awkah an ra i, “Saya, kannih hi tah zeidah kan tuah awk a si lai?” tiah an hal.

JOHAN 8:9

Cu bia cu an theih tikah pakhat hnu pakhat in an i zukphiak dih, upa pawl kha an i zuk hmasa. Jesuh lawng cu a tang i a pawngah cun minu kha a dir ko.

EZEKIEL 7:16

A luatmi an um i tlang ah an zam ahcun, khika ah a ṭap lengmangmi ṭhuro bantukin ka thah hna lai,

ROM 7:9

Keimah hrimhrim zong hi hlanah cun nawlbia loin ka rak nung, sihmanhsehlaw nawlbia kha a rat tikah sualnak cu a tho i ka thi.

LAMKALTU 7:54

Steven bia kha khawngsil pawl nih cun an theih tikah a henh in a henh hna i an hacang lawng kha an rial ko.

LAMKALTU 5:33

Khawngsil pawl nih hi bia kha an theih tikah an thin a hung tuk hringhran i lamkaltu kha thah an duh ko hna.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

LAMKALTU 1:16

“Ka u le ka nau hna, Jesuh a tlaitu hna lam hruaitu Judas kong ah, Thiang Thlarau nih David ka in a chimchungmi bia, Cathiang chung i aa ṭialmi kha a tlin awk a herh.

SALM 73:21

Ka cekne tiangin a ka runh i ka thin a ka khenh tikah;

PHUNGCHIMTU 12:11

Mifim mi hna bia cu tuukhal nih tuu khalhnak caah an hmanmi fung zum bantuk an si, kan dihlak in a kan zohkhenhtu Tuukhal a simi Pathian nih khan annih cu a pek hna.

ISAIAH 21:12

Kei nih ka leh i, “Khua cu a dei deng, sihmanhsehlaw zan kha a ra ṭhan lai. Hal na ka duh ahcun, ra law rak ka hal ṭhan te,” ka ti.