LAMKALTU 2:3 - Lai (Hakha) Common Language Bible 2006

³ Cun meizik he aa lomi leiṭe an hung chuah kha an hmuh hna i cuka i a ummi hna an dihlak cungah khan lei cu pakhat cio ah an i fu.

Laibaibal Thiang (BSI)

³ Meizik bantuk lei kha an lang i an i ṭhen hnuah, pakhat cio an cungah â fu dih.

LAMKALTU 2:3 Խաչաձեւ Հղումներ

MATTHAI 3:11

Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

JEREMIAH 23:29

Ka bia cu mei bantuk i kangh hmang a si lo mei? Lungpi a cheutu sobul bantuk a si lo mei?

LAMKALTU 2:4

Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.

LUKA 24:32

Annih nih cun, “Lampi i bia a kan ruah le Cathiang sullam a kan chimh ah khan kan chungah mei kang bang a si lo mei kha?” tiah pakhat le pakhat cu an i ti.

GENESIS 11:6

“Atu cu hi mi vialte hna hi miphun phun khat an si, holh pakhat lawng an hmang i atu i an tuahmi hi hmailei ah an tuah laimi thil a hramthawknak lawng a si. A rauh hlanah an duhmi thil paoh kha an tuah khawh ko lai.

BIAPHUAN 14:6

Vawlei cung mi vialte, phun kip, ram kip, holh kip le mi kip sin i thanh awk a simi, zungzal Thawngṭha aa phorh i vanlai i a zuangmi vancungmi pakhat kha ka hmuh.

1 KORIN 12:10

Pakhat cu khuaruahhar tuah khawhnak a pek; cun pakhat cu Pathian bia chim thiamnak a pek i pakhat cu Thlarau sinin a rami laksawng a si maw si lo ti thleidan khawhnak a pek. Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek.

LAMKALTU 2:11

Judah mi kan si ah, Judah phun aa hrawmmi Jentail mi kan si ah, cun a cheu cu Krit tikulh le Arabia ram in a rami kan si fawn — asinain Pathian nih thil lianngan a tuahmi hna kha an chim tikah an chimmi cu kan holh in an chim tiin kan theih cio hna,” tiah an ti.

MATTHAI 3:15

Sihmanhsehlaw Jesuh nih cun, “Atu cu hitihin si ko seh. Pathian nih tuah awk a si a timi paoh cu i tuah ko seh,” tiah a leh. Cucaah Johan cu a hna a tla ve.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

JEIM 3:6

Lei cu mei bantuk a si. Thil ṭhalo aa hlumnak kha a si i kan pum chungah hin a dihlak khan ṭhat lonak cu a vahter. Kan nunnak hi a dihlak in mei in a khangh i cu mei cu hell in a thomi mei a si.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

SALM 55:9

Bawipa, annih cu hrawk hna law an biachimmi cu tuainak ah canter; khuapi chungah ka hmuhmi thil cu zaang-ennak le i tuainak a si.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 2:2

Chikkhatte ah khin van in aw pakhat a rung i a thawng cu thlitu fak piin a hrangmi thawng bantuk a si i an ṭhutnak inn kha a khat dih.