LAMKALTU 2:20 - Lai (Hakha) Common Language Bible 2006

²⁰ Bawipa Ni, a sunglawimi ni le a liannganmi ni a phak hlanah khan Ni cu a mui lai i thlapa cu thisen bantukin a sen lai.

Laibaibal Thiang (BSI)

²⁰ Bawipa ni lianngan le ṭih a nungmi a phâk hlan ah, ni muihnâk ah a cang lai i thlapa thisen ah a cang lai.

LAMKALTU 2:20 Խաչաձեւ Հղումներ

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

AMOS 8:9

Bawipa nih hi bangin a ti: Khi ni ah cun ni kha chun ah ka tlakter lai i Vawlei kha chun lingpi ah ka muihter dup lai.

MATTHAI 24:29

“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

1THESALON 5:2

Zeicahtiah zan ah mifir an rat bantuk khin Bawipa Ni cu a ra lai ti kha nanmah hrimhrim nih nan hngalh ko.

MALAKHI 4:5

A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai.

JOEL 2:1

Zion ah muko kha tum tuah u, Ka tlang thiang cungah launak thawng kha thanh tuah u; Bawipa cu a phak dengmang cang caah Judah ram chung i a ummi vialte cu ther dih hna seh.

2 PETER 3:7

Sihmanhsehlaw Pathian bia ṭhiamṭhiam nih cun atu i a ummi van le vawlei hi mei in hrawh awkah a zuah rih hna. Pathian zei i a rel lomi hna an biaceih a si ni le hrawh an si ni caah cun zuah an si.

LUKA 21:25

“Cun ni le thlapa le arfi ah khin hmelchunhnak an lang lai. Vawleicung ram hna cu rili tilet a thomi le a awnmi nih awlokchong in an tuah hna lai.

MARKA 13:24

“Cu harnak caan hnuah cun ni cu a mui lai i thlapa cu a vang ti lai lo,

JOEL 3:14

Biaceihnak Nelrawn ah mi cu a thongthong in an um. Bawipa Ni tuan ah a rat lainak cu khika ah a si lai.

BIAPHUAN 16:8

Cun vancungmi palinak nih a kanto kha ni cungah a bungh i ni cu mi kha khanghnak nawl a hmu.

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.

1 KORIN 5:5

hi pa cu a thlarau kha Bawipa Ni ah khamh a si nakhnga a pum cu hrawh awkah amah cu Satan sinah khan pek awk a si, ka ti.

MATTHAI 27:45

Chun in zanlei suimilam pathum tiang cu ram cu a dihlak in muihnak nih a khuh i

JEREMIAH 4:23

Khi tikah vawlei kha ka zoh i, zohhmanh, a rawk dih i a lawngpi a si ko; Vancung khi ka hei zoh hna i an ceunak kha a um ti lo.

ISAIAH 34:8

Hi caan hi Bawipa nih Zion kha a khamh i a ral hna cungah phu a hlam caan kha a si lai.

ISAIAH 24:23

Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

ISAIAH 13:15

Tlaih a tongmi paoh cu thi lakin nam in chunh an si lai.

ISAIAH 13:9

Bawipa ni cu a ra lio, a thinhunnak le a thinlinhnak ni, ni ṭihnung cu a phan dengmang cang. Vawlei cu ramking ah a cang lai i misual mi paohpaoh cu thah an si lai.

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

LAMKALTU 2:19

Cunglei van ah khin khuaruahharmi thil ka tuah hna lai i Tanglei vawlei ah hin hmelchunhnak ka umter hna lai — thisen le mei le a chahmi meikhu an si lai.

LAMKALTU 2:21

Cu tikah Bawipa min a aumi paoh cu khamhnak an hmu lai,’ a ti.