LAMKALTU 2:11 - Lai (Hakha) Common Language Bible 2006

¹¹ Judah mi kan si ah, Judah phun aa hrawmmi Jentail mi kan si ah, cun a cheu cu Krit tikulh le Arabia ram in a rami kan si fawn — asinain Pathian nih thil lianngan a tuahmi hna kha an chim tikah an chimmi cu kan holh in an chim tiin kan theih cio hna,” tiah an ti.

Laibaibal Thiang (BSI)

¹¹ Judah mi kan si ah, Judah phun hrawm Jentel mi kan si ah, a cheu cu Krit tikulh le Arabia rammi kan si, asinain Pathian tuahmi thil lianngan kong an chimmi kan holh cio in kan rak theihmi hi,” tiah an ti.

LAMKALTU 2:11 Խաչաձեւ Հղումներ

1 KORIN 12:10

Pakhat cu khuaruahhar tuah khawhnak a pek; cun pakhat cu Pathian bia chim thiamnak a pek i pakhat cu Thlarau sinin a rami laksawng a si maw si lo ti thleidan khawhnak a pek. Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

HEBRU 2:4

Cu pinah annih nih tehte an khaanmi kha ahmaan tinak ah Pathian nih hmelchunhnak le khuaruahharnak le a ṭhawnnak in tuahmi thil phunphun kha a tuah i Thiang Thlarau laksawng kha a duhning in a phawt hna.

TITAS 1:12

“Krit mi cu milihchim, saram bantuk, mithathu, mi-orkhu,” tiah anmah Krit mi lila nih a rak ti hna i

JEREMIAH 25:24

Arabia siangpahrang vialte hna; Thetse ram miphun hna i siangpahrang vialte hna;

SALM 26:7

Lunglawmhnak hla kha ka sa i khuaruahhar thil na tuahmi vialte kha ka chim hna.

JOB 9:10

Amah nih cun hngalh phak lomi thil lianngan le Khuaruahharmi thil relcawklo a ser hna.

TITAS 1:5

Krit tikulh i kan chiahtak ah khan ka rak i tinhmi cu, kan ṭuannak i kan nganh tami kha a ningcang tein na hun sersiam hna lai i khua kip ah Khrihfa upa kha na hun chiah hna lai, ti a si. Na hun zulh awkah tiin cawnpiaknak kan chiahtami kha philh hna hlah.

LAMKALTU 27:12

Cuka lawngdinhnak cu khuasik chung umnak ah a ṭha lo i cucaah tam deuh nih kal i a si khawh ahcun Finiks phak kha an duh. Cu hmun cu Krit tikulh i lawng dinhnak nitlak-thlanglei le nitlak-chaklei a hoihmi kha a si i cuka ah cun khuasik chung kan um lai tiah an ruah.

LAMKALTU 27:7

Ni tam nawn khulnuar ngaiin kan kal i har lengmang in Nidas khua pawng kha kan phan kho. Thli nih khan cuka lei kal cu a kan donh cang i cucaah Krit tikulh thli daihnak lei phen khan kan vung kal i Salmon vawlei fonghlei pawng khan kan lan.

JEREMIAH 3:2

Tlangpar kolh khi hei cuan hna u law zoh hna hmanh u, Khuazei ah khin dah it ṭi loin nan um? Ramlak i Arab mi hna bantukin an duhtu hna kha hngak in lam pawngah nan ṭhu. Hlawhhlan ṭhalo nan tuahnak thawngin ram kha nan thurhhnawmh cang.

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 13:20

Cuka ah cun ahohmanh an um ṭhan ti lai lo. A vak a vai tawnmi Arab mipa zong nih cuka ah cun a thlam a bunh lai lo; cuka ah cun tuukhal zong nih an saṭil an khal hna lai lo.

SALM 136:4

Amah lawng nih khuaruahhar thil lianngan a tuah khawh, a dawtnak cu zungzal in a hmun.

SALM 111:4

Bawipa nih thil khuaruahhar a tuahmi hna kha philh loin a kan umter; amah cu mi cungah vel a ngei i zaangfah a thiam.

SALM 107:21

Cucaah Bawipa cu, an cung i thil ṭha a tuahmi ruangah khan le a fekmi a dawtnak ruangah khan, an lawmh hrimhrim awk a si.

SALM 107:15

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 107:8

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 96:3

Miphun hna sinah a sunparnak kha thanh u, mi vialte kha thil lianngan a tuahmi cu chim hna u.

SALM 89:5

Vancung pathian hna nih khin khuaruahharmi thil na tuahmi hna cu hla in an sak hna; Bawipa, zumhawktlak na sinak cu hla in an thangṭhat.

SALM 78:4

Bawipa ṭhawnnak le amah nih thil lianngan a tuahmi hna le, thil khuaruahhar a tuahmi hna kha, kan fale cu chim loin kan um hna lai lo, kan hmai chan mi kha kan chimh hna lai.

SALM 77:11

Bawipa, thil lianngan na tuahmi kha ka philh hna lai lo i kan hnulei caan i khuaruahharmi thil na tuahmi kha ka lung ah an hung pem ṭhan lai.

SALM 71:17

Ka no lio tein nangmah nih na ka cawnpiak i atu tiangin khuaruahhar na tuahmi kha ka chim lengmang ko.

SALM 40:5

Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

2 CHANRELNAK 26:7

Pathian nih, Filistin mi hna le Gurbaal i a ummi Arab mi hna le Meunim mi hna lakah khan amah cu a bawmh.

2 CHANRELNAK 17:11

Filistin mi a cheukhat nih Jehoshafat cu laksawng an rak pek i ngunkhuai caah ngun an rak pek; cun Arab mi hna zong nih tuukawng thong sarih za sarih le mehehtum thong sarih le za sarih an rak pek.

1 SIANGPAHRANG 10:15

mah hihi chawlet hna le chawdawr hna lam in le Arabia ram siangpahrang vialte hna le, cu ram uk bawi hna sinin a lutmi lengah a si.

GALATI 4:25

Hagar cu Arabia ram Sinai Tlang kha a si i atu Jerusalem le a chung i a ummi a fale vialte, sal sinak chung i khua a sami hna aiawhtu hi a si.

GALATI 1:17

keimah hlan i lamkaltu a rak simi hna ton awk zongah khan Jerusalem ah ka va kal lo. Arabia ram tu ah khan ka kal zau i cuka cun Damaskas khua ah ka ra kir.

ISAIAH 21:13

Hi bia hi Arabia ram kong bia a si. Dedan miphun, Arabia ramcar i kalauk run he a riakmi hna,

1 KORIN 12:28

Cu bantukin khrihfabu chungah hin Pathian nih mi cu an um nakhnga ding cio ah khan a chiah hna: a hmasa bik ah lamkaltu pawl, a pahnihnak ah profet pawl, a pathumnak ah cawnpiaktu pawl, cun cu hna a hun zultu ah khuaruahhar a tuahtu pawl, cun cu hna a hun changtu ah damter khawhnak pek a simi pawl, asiloah mi bawmh khawhnak pek a simi pawl, asiloah mi hruai khawhnak pek a simi pawl, asiloah holhtheihlo in holh khawhnak pek a simi pawl,

LAMKALTU 2:10

Frizia ram hna, Pamfilia ram hna, Izipt ram hna le Libia ram chung i a ummi Sairin khua pawng ram hna in a rami kan si; cun a cheu cu Rom khua in a rami kan si,

LAMKALTU 2:12

Khuaruahhar le lung-ar in, “Mah hihi a sullam zeidah a si hnga?” tiah pakhat le pakhat an i hal lengmang.

LAMKALTU 27:13

Thlanglei in thlizil kha a hung hrang siahmah i kan khuakhannak cu kan tlinter khawh lai, tiah an ruah; cucaah thir cangai kha an hnuh i Krit tikulh kam cun titlang hnur thluahmah in kan kal.