LAMKALTU 19:27 - Lai (Hakha) Common Language Bible 2006

²⁷ Cucaah cun hi kan rian hi a min a chia cang lai tiah thinphan awk a si ko. Cu lawng hmanh cu si loin, a liannganmi khuazingnu Artemis, Asia ram chung le vawleicung dihlak ah mi kip nih an biakmi hi a lianhngannak hi a lo lai i a biakinn zong hi sullam ngei lo a si lai ti phan awk a si fawn,” tiah a ti hna.

Laibaibal Thiang (BSI)

²⁷ Hi kan pawcawmnâk hi a rawk lai ti lawng hmanh si loin Asia ram vialte le vawlei cung khua zakip nih an biakmi khuazing nu lianngan Diana ṭempal dawhnâk hi an zomhtaih lai i a min a chia sual lai,” tiah a ti.

LAMKALTU 19:27 Խաչաձեւ Հղումներ

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 13:3

Sahrang lu pakhat cu, voi khat cu rak that cang hna seh law a lo, sihmanhsehlaw cu thihpi awk tlak a hma cu a dam cang. Vawleicung mi vialte cu an khuaruah a har i sahrang cu an zulh.

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

LAMKALTU 19:21

Hi bantukin thil a um hnuah Paul nih Masidonia ram le Grik ram kha ka tlawng lai i Jerusalem ah ka lan colh te lai, tiah a ruah. “Cun cuka ka phak hnuah Rom zong hmuh hrimhrim kaa zuam lai,” tiah a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

ISAIAH 44:17

Cu thing ṭhiamṭhiam a tangmi cun siasal pakhat a ser. A hmaiah a kun i a biak. A sinah thla a cam i, “Nangmah cu ka pathian na si, ka khamh tuah,” a ti.

MATTHAI 24:14

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

LAMKALTU 19:10

Cuticun kum hnih chung a tuah i Asia ram chung i a ummi vialte nih, Judah mi si hna seh, Grik mi si hna seh, Bawipa bia kha an theih.

BIAPHUAN 14:9

Vancungmi pathumnak nih hmasa pahnih hna kha a hun zulh hna i aw fak piin, “Sahrang le a milem a bia i a hmelchunhnak kha a cal ah siseh a kut ah siseh a ngeimi paoh nih cun,