LAMKALTU 19:21 - Lai (Hakha) Common Language Bible 2006

²¹ Hi bantukin thil a um hnuah Paul nih Masidonia ram le Grik ram kha ka tlawng lai i Jerusalem ah ka lan colh te lai, tiah a ruah. “Cun cuka ka phak hnuah Rom zong hmuh hrimhrim kaa zuam lai,” tiah a ti.

Laibaibal Thiang (BSI)

²¹ Cu thil hnuah Paul nih Thlarau fialnâk in Masidonia le Akai ram cu ṭol in cu hnu ah Jerusalem i kal a timh. Cu hnuah Rom zongah ka kal lai, tiah a ti.

LAMKALTU 19:21 Խաչաձեւ Հղումներ

LAMKALTU 20:22

Atu cu Thiang Thlarau hruainak zulh in Jerusalem khua ah ka kal lai, khika ah ka cungah zeidah a tlung lai ti ka hngal lo.

LAMKALTU 20:16

Asia ram chungah kan rauh nakhnga lo lawng in Paul nih Efesa khua kha lanhtak aa zal. Jerusalem khua kha khulrang in phak a duh i a si khawh ahcun Pentekos ni tanh manh kha a duh.

LAMKALTU 23:11

Cu zan ah Bawipa cu Paul pawngah khan a dir i, “Na lung ṭhul hlah. Jerusalem khua ah keimah tehte na sinak kha na chim cang, cu bantuk ṭhiamṭhiam in Rom khua zongah na tuah hrimhrim lai,” tiah a ti.

ROM 1:13

Ka u le ka nau hna, hihi rak ka hngalhpiak u ti kan duh hna: nanmah tlawn hi voi tampi kaa tim tawn, sihmanhsehlaw zei nih dik a ka donh zungzal. Jentail mi a dang hna lak i lungthlengmi ka umter hna bantukin nannih lak zong i lungthlengmi umter ve cu ka duh hringhranmi a si.

LAMKALTU 18:21

Efesa khua in a chuahpah ah cun a thawh hna i, “Pathian hnatla a si ahcun, nan sinah ka ra kir ṭhan lai,” tiah a ti hna.

1THESALON 1:7

Cucaah Masidonia le Grik ram i a ummi Khrihfa hna caah nannih cu zohchun awk nan rak si.

GALATI 2:1

Kum hleili hnuah Barnabas he Jerusalem ah kan kal ṭhan; Titas zong kan i kalpi.

1 KORIN 16:5

Masidonia ram kha ka tanpah lai caah Masidonia ram ka tlawn dih cun nan sinah ka ra lai.

ROM 1:15

Cucaah cun nannih Rom khua i a ummi sin zong i Thawngṭha chim ka duhnak cu a si.

LAMKALTU 28:16

Rom khua kan phak tikah Paul kha amah tein um i ralkap pakhat i cawngh kha a nawl an pek.

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

LAMKALTU 27:1

Itali ram ah tilawng in nan kal lai tiah bia an kan khiahpiak tikah, Paul le a dang thongtla tlawmpal hna kha Rom ralkap chung i “Siangpahrang Ralkapbu” timi haotu Julias sinah khan an pek hna.

LAMKALTU 21:17

Jerusalem kan phak tikah cun unau pawl nih khan an rak kan conglawmh ngaingai.

LAMKALTU 21:4

Cuka ah cun a zummi tlawmte kan va hmuh hna i an sinah zarh khat kan cam. Thlarau nih a chimh hna bangin, Paul cu Jerusalem khua ah khan kal hlah tiah an thlauh.

LAMKALTU 18:12

Sihmanhsehlaw Gallio cu Rom cozah nih Grik ram uktu bawi ah an ser tikah Judah mi kha an i pum i Paul kha an tlaih i biaceihnak zung ah an chuahpi.

ṬAHNAK HLA 3:37

Bawipa nih a thlauhmi thil cu Aho nih dah tuah si seh tiah nawl a pek khawh lai?

LAMKALTU 16:12

Cuka cun ram chungah khan kan lut i Filipi khua kan phan, Filipi khua cu Masidonia ram chung i a um vemi peng peng khat a khualipi a si; cun Rom mi hna ram thar zong a si fawn. Cu khua ah cun ni thum li kan cam.

LAMKALTU 19:22

Cucaah amah a bawmtu pahnih Timote le Erastas kha Masidonia leiah a thlah hna i amah tu cu Asia ram chungah khan caan tam deuh a run hmang.

LAMKALTU 19:29

Cuti i an i tuainak cu khuachung kha a khat dih. Mibu nih cun Paul sin i khual a tlawng vemi Masidonia mi pahnih, Gaius le Aristarkas kha an tlaih hna i bual ah khan an tlikpi hna.

ROM 1:11

Zeicahtiah nanmah hmuh cu kaa ngaih hringhran i nanmah he thlarau thluachuahnak i hrawm i nanmah thazang pek cu ka duh ngaingaimi a si.

1 KORIN 4:19

Bawipa duhnak a si ahcun, tuan ah kan tlawng hna lai i hi milungpuam pawl nih hin zeidah an tuah khawhmi taktak a si kha keimah hrimhrim nih ka ra zoh lai, zeidah an chim khawh timi lawng kha si lo in.

2 KORIN 10:16

Cun nanmah ram pinah Thawngṭha kha kan chim khawh lai i midang lo chung i rak ṭuan ciami rian kha kan i porhlawt awk a herh lai lo.