LAMKALTU 19:10 - Lai (Hakha) Common Language Bible 2006

¹⁰ Cuticun kum hnih chung a tuah i Asia ram chung i a ummi vialte nih, Judah mi si hna seh, Grik mi si hna seh, Bawipa bia kha an theih.

Laibaibal Thiang (BSI)

¹⁰ Cubantukin kumhnih chung a peh i Asia rammi vialte le Judah le Grik mi hna zong nih Bawipa Jesuh bia an hngalh dih.

LAMKALTU 19:10 Խաչաձեւ Հղումներ

LAMKALTU 20:31

Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

2TIMOTE 1:15

Asia ram chung i a ummi nih an dihlak in an ka zamtak ti kha na hngalh, cu hna lakah cun Figelas le Hermogenes zong an i tel.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

ROM 10:12

A zummi paoh, a ti, zeicahtiah Judah mi le Jentail mi tiin i thleidannak zeihmanh a um lo; Pathian cu kan dihlak Bawipa a si i amah a zummi paoh cu thluachuahnak tampi in a pek ko hna.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

LAMKALTU 16:6

Asia ram chungah Thiang Thlarau nih Thawngṭha kha chim awkah a onh hna lo caah Frizia le Galatia ram chungah khan khual cu an tlawng.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

1 PETER 1:1

Jesuh Khrih lamkaltu a simi Peter nih, Pontas, Galatia, Kappadosia, Asia le Bithinia peng i ralzam bangin aa ṭhekmi, Pathian thimmi hna, nan sinah ca kan kuat hna.

LAMKALTU 20:18

Annih cu an ra phanh tikah a thawh hna i, “Nan sin i ka um chung vialte, Asia ram chung i ka ra phakka tein zeitindah nan sinah ka umtuning a si kha nan hngalh.

LAMKALTU 19:22

Cucaah amah a bawmtu pahnih Timote le Erastas kha Masidonia leiah a thlah hna i amah tu cu Asia ram chungah khan caan tam deuh a run hmang.

LAMKALTU 19:8

Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.

LAMKALTU 18:11

Cucaah Paul cu cuka ah cun kum khat le a cheu a um i Pathian bia kha a cawnpiak hna.

LAMKALTU 18:4

Sabbath fate pumhnak inn ah khan Judah mi he Grik mi he, an lung pemter awkah bia a chimh lengmang hna.

LAMKALTU 2:9

Kannih cu Parthia ram hna, Media ram hna, Elam ram hna, Mesopotamia ram hna, Judea ram hna, Kappadosia ram hna, Pontas ram hna, Asia ram hna,

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.

LAMKALTU 13:12

Thil a hung ummi kha a hmuh tikah uktu bawi cu a zummi ah a cang i Bawipa kong an cawnpiakmi nih khan a lung a sukhai ngaingai.

LAMKALTU 19:20

Cuticun Bawipa bia cu a karh chin lengmang i a ṭhang i a ṭhawng chin lengmang.