LAMKALTU 18:15 - Lai (Hakha) Common Language Bible 2006

¹⁵ Sihmanhsehlaw hi thil cu bia le min le nanmah phung nan i almi kong a si caah nanmahte nih vaa ceih ko u. Cu bantuk thil kong men biaceihtu si cu ka duh lo!” tiah a ti i

Laibaibal Thiang (BSI)

¹⁵ asinain, bia, min le nan nawlbia kong hna a si ahcun nanmah tein ceih u, kei nih cubantuk kong ka ruat duh lo,” tiah a ti.

LAMKALTU 18:15 Խաչաձեւ Հղումներ

LAMKALTU 23:29

A tuahmi ah thah awk tlak a simi siseh, thong thlak awk tlak a simi siseh, zeihmanh ka hmu lo; sual an puhmi cu anmah phung kong men kha a si ko.

LAMKALTU 25:19

Annih nih an puhmi cu anmah biaknak kong i an i alnak le mipa pakhat a thi cangmi a min Jesuh an timi, Paul nih a nung ṭhan pei tiah a timi kong a rak si.

1TIMOTE 6:4

porhlawtnak in a khat i zeihmanh a hngal ṭung lomi an si. Biafang tete i al duhnak lungthin, a ngan a dam lomi duhnak a ngeimi kha an si i cu nih cun nahchuahnak, lung i khah lonak, pakhat le pakhat i nihsawhnak, pakhat le pakhat i lunghrinhnak

TITAS 3:9

Asinain bia i al lengmangnak le thawhkehnak min ṭialnak cazin sau pipi le i sik le Phungbia kong i alnak kha cu hrial i zuam ko hna. Cu bantuk cu santlai lomi thil, pakpalawng men an si.

2TIMOTE 2:23

Bia i al lengmangnak, hruhnak men le zeihmanh hngalh set ṭung loin i al lengmangnak hi hrial i zuam, zeicahtiah hi bantuk bia i al lengmangnak cu i siknak ah a dong ti kha na hngalh.

1TIMOTE 1:4

Kha bantuk tuanbia menmen hna le chuahkehnak min sau pipi in an ṭialmi cazin menmen hna kha cu, zeihmanh an si lo caah, hlaw hna u, tiah na rak chimh hna lai; zeicahtiah kha bantuk thil nih khan bia alnak lawnglawng a chuahpi i zumhnak in hngalh khawh a simi Pathian khuakhannak kha zeihmanh a langhter lo.

LAMKALTU 26:3

Cun hi bantukin kaa rel khunnak cu nangmah cu Judah phung le lam vialte le kan i almi kong ṭha tein a hngalmi na si caah a si. Cucaah lungsau thinfual in na ka ngaihpiak nakhnga kan nawl.

LAMKALTU 25:11

Nawlbia kha buar i thihnak tlak thil ka tuah a si ahcun, cu chungin luatternak cu kan hal lo. Sihmanhsehlaw an ka puhmi ah hin biatak zeihmanh a um ṭung lo ahcun ahohmanh nih an kut chungah nan ka chan kho lai lo. Siangpahrang sinah azu ka khan,” tiah a ti.

MATTHAI 27:24

Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.

JOHAN 18:31

Pilat nih cun a thawh hna i, “I kalpi u law nan phung ningin va ceih ko ngat u,” tiah a ti hna. Judah mi hna nih cun, “Ahohmanh thah khawhnak nawl kan ngeih lo cu ta,” tiah an leh.

MATTHAI 27:4

“A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

LAMKALTU 18:13

An i thawh i, “Hi pa nih hin phung ning in si loin Pathian biak awkah khan mi a lem lengmang hna,” an ti.