LAMKALTU 18:10 - Lai (Hakha) Common Language Bible 2006

¹⁰ zeicahtiah keimah nih kan umpi ko. Hi khua chung i a ummi hna lakah hin mi tampi ka minung an si caah ahohmanh nih harnak an in pe kho lai lo,” tiah a ti.

Laibaibal Thiang (BSI)

¹⁰ zeitintiah na sinah ka um ko, ahohmanh nih fahnâk an in pe lai lo, hi khua ah hin mi tampi ka ngeih ko hna,” tiah a ti.

LAMKALTU 18:10 Խաչաձեւ Հղումներ

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

EXODUS 4:12

Cucaah cun va kal ko; na holhnak ah kan bawmh lai i na chim ding kha kan chimh lai,” a ti.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

JOHAN 10:16

Hi tuurun chung i a um lomi ka ta a simi tuu dang an um. Annih zong kha ka ratpi ve hrimhrim hna lai; ka aw kha an ngaih lai i tuukhal pakhat tangah tuurun run khat ah an cang lai.

2TIMOTE 4:22

Bawipa cu na thlarau sinah um ko seh. Nan dihlak sinah Pathian vel cu um ko seh.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

JOHAN 11:52

anmah Judah mi ca lawngah si loin Pathian fale aa ṭhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

MATTHAI 10:30

Nannih chinchin cu nan lu cung sam hmanh kha a rel dih.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

LAMKALTU 15:18

Cuticun Bawipa, hlanlio piin thil a rak chimtu nih cun a ti.’

LUKA 21:18

Sihmanhsehlaw nan lu cung samfa fa khat hmanh a tlau lai lo.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

LAMKALTU 15:14

Simon nih, zeitluk in dah Pathian nih Jentail mi kha an zawn a ruah hna ti cu a kan chimh cang i cu a langhnak cu anmah lakin amah min putu dingah mi aa thimmi hna hi a si.

BIACEIHTU 2:18

Bawipa nih an caah biaceihtu a chuahter fate, Bawipa cu biaceihtu sinah cun a um i biaceihtu nih cun amah chan chung vialte cu an ral hna kut chungin a khamh hna; zeicahtiah annih kha a hremtu hna le vansang au in a tuahtu hna ruang i an hrum-ainak nih khan Bawipa cu an cungah vel a ngeihter.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

LAMKALTU 18:9

Zan khat cu Paul nih cun langhnak a hmuh i cu ah cun Bawipa nih a thawh i, “Na thinphang hlah; chim lengmang ko, ngol lai cih,

LAMKALTU 18:11

Cucaah Paul cu cuka ah cun kum khat le a cheu a um i Pathian bia kha a cawnpiak hna.