LAMKALTU 17:5 - Lai (Hakha) Common Language Bible 2006

⁵ Sihmanhsehlaw Judah mi kha an nah a chuak i khualak i a vak sawhsawhmi zeiruaramlo minung pawl kha an pumh hna i cu hna cu an au an khuang i khua kha a ning piin hnahnawhnak an tuah. Jason inn kha an va nam i an i ruahnak ah cun khika ah khan Paul le Silas kha an rak um lai i mizapi hmaiah kan chuahpi hna lai an ti.

Laibaibal Thiang (BSI)

⁵ Asinain a zum duh lomi Judah mi nih an hnahchuah hna i chawdawr hmun i â chawk sawhsawhmi misual kha an i sawm hna i khuachung kha an buaiter dih. Zatlâng ah chuahpi dingah Josan in kha an va nam.

LAMKALTU 17:5 Խաչաձեւ Հղումներ

SALM 35:15

Harnak ka ton tikah an i lawm i an ka dum i nihchuak ah an ka saih; khuai nih khan heh tiah ngol loin an ka tuk.

SALM 69:12

Zatlang lam ah ka kong an ka ceih i zuri nih hla an ka phuah

PHUNGTHLÛKBIA 14:30

Lung daihnak nih pum kha a ngan a damter, sihmanhsehlaw nahchuahnak cu khensar zawtnak bantuk a si.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

MATTHAI 27:18

Pilat nih khan Jesuh ka kut chung i an ka pek hi an nahchuah caah a si ti kha fiang tein a hngalh.

LAMKALTU 13:45

Judah mi nih mizapi kha an hmuh hna tikah nahchuahnak in an khat; Paul nih a chimmi kha an al i amah kha an nihsawh.

LAMKALTU 14:19

Pisidia ram Antiok khua le Ikonium khua in Judah mi tlawmpal kha an ra i mizapi cu anmah leiah an ṭanter khawh hna, Paul kha lung in an cheh i a thi cang rua tiah an ruah caah khua lengah khan an hnuh.

LAMKALTU 14:2

Sihmanhsehlaw a zum duh lomi Judah mi hna nih khan Jentail mi kha an forh hna i unau pawl kha an huatter hna.

LAMKALTU 17:13

Sihmanhsehlaw Thesalonika khua i a ummi Judah mi hna nih khan Paul nih Berea khua zongah Pathian bia a chim hoi ti an theih tikah an ra i mi cu an hung forh hna i an hung tuai hna.

LAMKALTU 17:6

Sihmanhsehlaw annih kha an va hmuh hna lo tikah Jason le unau pawl a cheukhat kha khua uktu bawi hna sinah an hnuh hna i, “Khua kip ah hnahnawhnak a chuahtertu hna kha atu cu kan khua zong an ra phan ve cang i

LAMKALTU 17:7

Jason nih hin a inn ah a tlunter hna. Siangpahrang dang a min Jesuh a simi a um an tinak thawng hin Sizar Siangpahrang nawl a buarmi an dihlak hin an si,” tiah an au.

LAMKALTU 17:9

Uktu bawi pawl nih cun Jason le a hawi dang hna cu aamahkhannak tangka an pekter hna hnuah an thlah hna.

LAMKALTU 18:12

Sihmanhsehlaw Gallio cu Rom cozah nih Grik ram uktu bawi ah an ser tikah Judah mi kha an i pum i Paul kha an tlaih i biaceihnak zung ah an chuahpi.

LAMKALTU 19:40

Nihin i hi thil a ummi ruangah hin kannih cu hnahnawhnak nan chuahter tiin mawhchiatnak pek kan fawite. Hi hnahnawhnak kongah hin i sonhtarh awk zeihmanh a um lo i hihi zeicahdah hi bantukin a si ti hi ṭha tein chim awk bia kan ngei fawn lo,” tiah a ti.

LAMKALTU 7:9

“Kan pupa hna nih cun Josef kha an nahchuah i Izipt ram i sal vung si awkah an zuarh. Sihmanhsehlaw Pathian nih a umpi i

ROM 16:21

Ka rianṭuan hawi Timote nih nan kut an tlaih hna; cun Judah mi ka phun hawi Lusias, Jason le Sosipater zong nih nan kut an in tlaih hna.

1 KORIN 3:3

hi vawleicung mi bantukin pei nan um ko rih cu. Pakhat le pakhat nan i nahchuah i pakhat le pakhat nan i sik tikah hin nannih cu hi vawleimi nan si le hi vawlei ning in nan nunning a si kha a lang ko lo maw?

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

GALATI 5:21

ziar an i ngeih, zu an ri, an au an khuang i cu bantuk thil a dang tampi kha an tuah lengmang hna. Hmasa ah ralrin bia ka rak in chimh cang hna bantuk khan atu ah kan chimh ṭhan hna: cu bantuk thil a tuahmi cu Pathian Pennak an hmu lai lo.

GALATI 5:26

Kan ruam a kai awk a si lo, Pakhat le pakhat kan thin kan i hunter awk a si lo, pakhat le pakhat kan i nahchuah awk a si lo.

1THESALON 1:6

Kanmah le Bawipa kha kan nawl nan kan cawn i temhinnak tampi nan huah nain Thiang Thlarau sinin a rami bia kha lawm tein nan cohlan.

JEIM 4:5

“Pathian nih kan chungah a chiahmi thlarau cu duhnak ṭihnung in a khat,” tiah Cathiang nih a timi kha sullam ngei lo a si tiah ruat sual hlah u.

BIACEIHTU 9:4

Cun Baal-berith inn chungin ngun phar sawm sarih an pek i cu cun Abimelek nih cun mitoktawlol le mikhongkhol kha aa roih hna i amah kha an zulh.