LAMKALTU 17:12 - Lai (Hakha) Common Language Bible 2006

¹² Annih lak i mi tampi nih khan an zumh; cun Grik mi nu tampi mirum le upa a simi hna le Grik mi pa tampi zong nih khan an zumh ve.

Laibaibal Thiang (BSI)

¹² Cucaah mi tampi nih an zumh. Grik hmaizahmi nu hna le pa tampi zong nih an zumh.

LAMKALTU 17:12 Խաչաձեւ Հղումներ

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

LAMKALTU 13:50

Sihmanhsehlaw Judah mi hna nih khan, cu khua chung i hruaitu deuhdeuh a simi hna le Pathian a biaminu, upat hmaizah awk deuh a simi kha an forh hna i Paul le Barnabas cu hrem hram an thawk hna; cun cuka ram cun an dawi hna.

1 KORIN 1:26

Ka u le ka naule hna, Pathian nih a rak in auh hna ah khan, zei bantuk mi nan si kha i philh hlah u. Minung hmuhning lei in ti ahcun, a fimmi le thil a ti khomi le upat hmaizah awk tlak a simi cu tlawmte lawnglawng nan rak si.

LAMKALTU 14:1

Cu bantuk ṭhiamṭhiam cun Ikonium khua zongah a si: Paul le Barnabas cu Judah mi pumhnak inn ah khan an va kal i bia kha an chimh hna i Judah mi le Jentail mi mi tampi kha zumtu ah an i cang.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

JEIM 1:10

zumtu mirum cu Pathian nih ṭumchuknak a pek tikah i lawm seh. Zeicahtiah mirum cu ramlak pangpar a par a ṭilh bangin an ṭil lai.

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

MARKA 15:43

Amah cu biaceihtu bu chung i an upatmi pakhat a si ve i Pathian Pennak a rat lainak aa ruahchihmi a si. Cu ni cu cawnningani a si (cucu Sabbath ni a nizan kha a si). Cucaah Josef cu ralṭha ngaiin Pilat sinah khan a vung lut i Jesuh ruak kha a hal.

LAMKALTU 2:47

Pathian kha an thangṭhat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.