LAMKALTU 16:34 - Lai (Hakha) Common Language Bible 2006

³⁴ Paul le Silas cu a inn ah a hun kalpi hna i rawl a pek hna. Amah nih Pathian kha a zumh caah amah le a innchungkhar cu lunglawmhnak in an khat.

Laibaibal Thiang (BSI)

³⁴ Cuticun an innah a kalpi hna i rawl a pêk hna; an chungkhar in Pathian an zumh caah an i lawm ngai ngai.

LAMKALTU 16:34 Խաչաձեւ Հղումներ

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

FILEMON 1:7

Ka dawtmi ka nau, dawtnak na ngeihmi nih ka lung a ka lawmhter ngaingai i lungṭhawnnak tampi a ka pek. Pathian mi vialte cu an lung na lawmhter dih ko hna.

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

LAMKALTU 2:46

Ni fate in a bute in biakinn chungah khan an i pum i an inn ah khan rawl an i hrawng cio hna i lunglawmhnak lungthin le toidornak lungthin he rawl cu an ei.

1JOHAN 3:18

Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a langmi dawtnak in a si awk a si.

FILIPI 4:17

Nan laksawng hmuh ka duh lawng cu a si lo, nan cazin zongah miaknak i ṭial chap ve seh ti ka duh.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

ROM 5:2

Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

LAMKALTU 11:14

Amah nih cun bia an chimh hna lai i cu bia thawng cun khamhnak nan hmuh lai,’ tiah a chimtu a hmuhnak kha a kan chimh.

LAMKALTU 8:39

Ti chungin an hung chuah tikah Bawipa Thlarau nih Filip cu lo diam in a lak. Kha bawi nih khan a hmu ṭhan ti lo, sihmanhsehlaw lunglawm ngaiin a kal.

LUKA 19:6

Zakia cu, khulrang in a ṭum i lunglawmhnak in a inn ah cun a tlunter.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 5:29

A hnuah Levi nih khan a inn ah cun Jesuh kha rawl danghnak nganpi a tuahpiak i ngunkhuai khawltu tampi hna le midang hna kha an sinah cun an ṭhu.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 55:12

“Babilon in lunglawm in nan chuak lai; khuapi chungin daihnak he nan chuak lai. Fing le tlang kha lunglawm in hla an sa lai i thingkung kha lunglawm in an au lai.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

LAMKALTU 16:15

Amah le a innchung i a ummi hna nih khan tipilnak an in. Cun a kan thawh i, “Keimah cu Bawipa zumtu taktak ah nan ka ruah a si ahcun, ra u law ka inn ah ra ka tlung u,” tiah a kan sawm.

LAMKALTU 16:35

A thaizing ah Rom nawlngeitu bawi hna nih khan palik bawi an hei thlah hna i, “Kha hna kha rak thlah hna seh,” an ti.