LAMKALTU 16:19 - Lai (Hakha) Common Language Bible 2006

¹⁹ A bawile nih kan tangka hmuhnak caan ṭha a dih cang ti kha an hmuh tikah Paul le Silas kha an tlaih hna i zapi pumhnak ah bawi hmaiah an chuahpi hna.

Laibaibal Thiang (BSI)

¹⁹ A pu le nih an phaisa hmuhnâk hram a cat ti kha an hngalh tikah, Paul le Sailas cu an tlaih i hotu hna sinah Market hmunah an hnuhchih hna.

LAMKALTU 16:19 Խաչաձեւ Հղումներ

LAMKALTU 21:30

I tuainak cu khuapi chungah cun a khat i mi vialte kha an tli an le i Paul kha an tlaih i biakinn chung khan an chuah. Khulrang in innka kha an hrenh.

LAMKALTU 17:6

Sihmanhsehlaw annih kha an va hmuh hna lo tikah Jason le unau pawl a cheukhat kha khua uktu bawi hna sinah an hnuh hna i, “Khua kip ah hnahnawhnak a chuahtertu hna kha atu cu kan khua zong an ra phan ve cang i

2 KORIN 6:5

An kan tuk, thong ah an kan thlak, zapi bawmh in an kan bawmh; kan thazang celh lo tiangin an kan ṭuanter, hngilh lo le rawl loin kan um.

LAMKALTU 16:16

Ni khat cu thlacamnak hmun i kan va kal ṭhan tikah khan lim khuavang a ngeimi sal ngaknu pakhat nih a kan ton i cu a lim khuavang nih cun hmailei thil um ding kha a chimter khawh. Cu bantukin hmailei thil kong a chimnak cun a bawile kha tangka tampi a hmuhter hna.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

LAMKALTU 15:26

kan Bawipa Jesuh Khrih rian ca i thih ngamh in a cawlmi hna sinah hin an ra lai.

LAMKALTU 14:19

Pisidia ram Antiok khua le Ikonium khua in Judah mi tlawmpal kha an ra i mizapi cu anmah leiah an ṭanter khawh hna, Paul kha lung in an cheh i a thi cang rua tiah an ruah caah khua lengah khan an hnuh.

LAMKALTU 14:5

Cun Jentail mi hna le Judah mi hna nih khan, an hruaitu hna he, lamkaltu hna kha nihsawh le lung in cheh awk kha an i tim.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

MARKA 13:9

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

MATTHAI 24:9

“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai.

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

1TIMOTE 6:10

Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.

DANIEL 6:12

Cun siangpahrang sinah cun an ra i siangpahrang cu nawlbia a chuahmi kha an hung hngalhter than. “Bawipa, nangmah nih, kan hmai ni sawm thum chungah, ahohmanh nih nangmah sinah si loin pathian dang sinah siseh, minung sinah siseh, thla a cammi an um ahcun, cu hna cu chiandeih thong ah thlak an si lai, tiah na ti lo mei?” tiah an ti. Siangpahrang nih, “Asi ko, Media mi hna le Persia mi hna nawlbia cu zungzal in a hmunmi an si,” tiah a leh hna.

LAMKALTU 15:40

cun Paul nih Silas kha aa thim i unau pawl nih khan Bawipa velngeihnak chungah an sanh hna hnuah an kal.

LAMKALTU 16:20

Rom mi a simi biaceih bawi hna hmaiah khan an chuahpi hna i, “Hi mi hna hi Judah mi an si i kan khua chungah hnahnawhnak an tuah.

LAMKALTU 16:25

Zanṭim hrawngah khin Paul le Silas cu thla an cam i Pathian sinah thangṭhatnak hla an sa i thongtla dang nih khan an ngaih hna.

LAMKALTU 16:29

Thonginn bawi nih khan mei rak pu u tiah a ti hna i khulrang in a lut i Paul le Silas kehram ah cun ther lengmang in a bawk.

FILIPI 1:30

Cucaah i dohnak chungah hin ka sinah nan i tel ve kho lai; hi i dohnak cu, hlan i ka rak dohmi nan rak hmuh cangmi le atu zong i ka doh lengmangmi nan rak theihmi ṭhiamṭhiam hi a si ko.

1THESALON 2:2

Thesalonika khua i nan sin kan phak hlanah zeitindah Filipi khua ah an kan serhsat i an kan nihsawh ti cu nan hngalh. Asinain, Pathian nih a Thawngṭha kha nannih chimh awkah ralṭhatnak a kan pek i harnak tampi a um nain kan chim.