LAMKALTU 16:13 - Lai (Hakha) Common Language Bible 2006

¹³ Sabbath ni ah khua chung cun kan chuak i tiva kamah kan kal, cuka ah cun Judah mi hna thlacamnak hmun a um lai tiah kan ruah. Kan ṭhu i aa pummi nu kha bia kan ruah hna.

Laibaibal Thiang (BSI)

¹³ Sabbath ni ah hauleng i tiva kam thlacamnâk hmun i an hman tawnmi ah kan kal. Cuka ah kan ṭhu i nu a rami hna sinah bia kan chim.

LAMKALTU 16:13 Խաչաձեւ Հղումներ

LAMKALTU 13:14

Perga cun an hei kal i Pisidia ram Antiok khua kha an phan; cun Sabbath ni ah pumhnak inn ah khan an kal i an ṭhu.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

LAMKALTU 21:5

Sihmanhsehlaw anmah sin kan camnak caan cu a dongh tikah kan i thawh i kan kal ṭhan. An dihlak in, an nupile le an fale hna he khua leng tiang an kan thlah. Rilikam ah cun kan dihlak in kan khuk kan i bil i thla kan cam.

LAMKALTU 20:7

Zarh chung hmasa bik ni ah hawikomhnak rawl dum ṭi awkah kan i pum. Paul cu a thaizing a kal ding a si cang caah, mi kha bia a chimh lengmang hna i zanṭim tiang a chimh hna.

LAMKALTU 18:4

Sabbath fate pumhnak inn ah khan Judah mi he Grik mi he, an lung pemter awkah bia a chimh lengmang hna.

LAMKALTU 17:2

Paul nih a tuah tawn bantukin pumhnak inn ah khan a va kal. Khika ah Sabbath ni ni thum chung, mi hna he khan Cathiang chung bia kha an i al i

LAMKALTU 16:6

Asia ram chungah Thiang Thlarau nih Thawngṭha kha chim awkah a onh hna lo caah Frizia le Galatia ram chungah khan khual cu an tlawng.

LAMKALTU 13:42

Paul le Barnabas cu pumhnak inn in an ṭin pah ah khan, hmai Sabbath ni ah ra ṭhan u law hi thil kong hi tam deuh in kan chim ṭhan rih u, tiah an sawm hna.

JOHAN 8:2

A thaizing zingkate ah biakinn ah cun a kal ṭhan. Mizapi nih cun an pumhhnawh i a cawnpiak hna.

LUKA 13:10

Sabbath ni ah voi khat cu Jesuh nih pumhnak inn ah a cawnpiak hna.

MARKA 16:15

A thawh hna i, “Vawlei cung khuazakip ah va kal u law miphun kip kha thawngṭhabia va chim hna u.

MATTHAI 13:2

A helhhumtu cu an tam tuk caah lawng chungah a lut i a ṭhu; mizapi cu rilikam ah khan an dir.

LAMKALTU 9:20

Pumhnak inn ah khan i cungcang loin a va kal i, “Jesuh cu Pathian Fapa a si,” tiah a chimh hna.

LAMKALTU 16:16

Ni khat cu thlacamnak hmun i kan va kal ṭhan tikah khan lim khuavang a ngeimi sal ngaknu pakhat nih a kan ton i cu a lim khuavang nih cun hmailei thil um ding kha a chimter khawh. Cu bantukin hmailei thil kong a chimnak cun a bawile kha tangka tampi a hmuhter hna.