LAMKALTU 15:4 - Lai (Hakha) Common Language Bible 2006

⁴ Jerusalem khua an va phak tikah khrihfabu le lamkaltu hna le upa hna nih khan an rak conglawmh hna i anmah thawngin Pathian nih a tuahmi vialte kha an chimh hna.

Laibaibal Thiang (BSI)

⁴ Jerusalem khua an phâk tikah kawhhran hna le lamkaltu le upa hna nih an rak cohlan hna, cun Pathian nih anmah hmangin a tuahmi thil vialte kha an chimh hna.

LAMKALTU 15:4 Խաչաձեւ Հղումներ

LAMKALTU 15:12

Barnabas le Paul nih, Pathian nih Jentail mi hna lakah a hman hna i anmah thawngin khuaruahharnak a tuahmi vialte kha an chim tikah, annih cu an ningpi in dai tein an um.

LAMKALTU 14:27

Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

LAMKALTU 15:3

Khrihfabu nih khan an hei thlah hna i Foinisia le Samaria an hei tanpah ah khan zeitluk in dah Jentail mi hna nih Pathian leiah an i mer tinak kong kha an chimh hna; cu thawng nih cun unau vialte kha a lawmhter ngaingai hna.

ROM 15:18

Pathian nawl ngaihnak i Jentail mi hna cu kalpi awkah, bia in siseh, tuahnak in siseh, hmelchunhnak le khuaruahhar ṭhawnnak in siseh,

LAMKALTU 21:17

Jerusalem kan phak tikah cun unau pawl nih khan an rak kan conglawmh ngaingai.

2 JOHAN 1:10

Ahohmanh nan sin i an rat tikah hi cawnpiaknak hi an rak i ratpi lo ahcun, tluninn rak onh hna hlah u; “Na cungah daihnak um ko seh,” ti zongah rak ti hna hlah u.

KOLOSE 4:10

Ka thongtlahawi i a simi Aristarkas nih nan kut an tlaih hna; cun Barnabas tupa Marka zong nih an tlaih ve hna. (Nan khua lei i a rat sual ahcun ṭha tein rak conglawmh u tiah tinak bia kha nan hmuh cang).

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

ROM 15:7

Khrih nih an cohlan hna bangin, Pathian nih sunparnak a hmuh nakhnga pakhat le pakhat i cohlang cio u.

LAMKALTU 21:19

Paul nih khan a biakchawnh dih hna in Jentail mi hna sinah Pathian nih amah rianṭuannak thawngin a tuahmi vialte kha tling tein a chimh hna.

LAMKALTU 18:27

Apollo nih cun Grik ram kal kha aa tim, cucaah Efesa khua chung i a ummi a zummi hna nih khan Grik ram i a ummi an unau hna cu ca an kuat hna i amah cu rak conglawmh u tiah an forh hna. Khika ah a phak tikah Pathian velngeihnak thawngin zumtu a simi hna caah khan bawmtu ngaingai a si.

MATTHAI 10:40

“Nannih an conglawmhtu hna paoh nih keimah an ka conglawmh a si i keimah a ka conglawmhtu paoh nih a ka thlahtu a conglawmh a si.

LAMKALTU 11:30

Cuticun an tuah i tangka cu khrihfa upa hna sinah khan Barnabas le Saul kut in an kuat.

LAMKALTU 15:2

Paul le Barnabas nih khan cu kong cu fak piin an al hna; cucaah Paul le Barnabas le Antiok khuami cheukhat kha Jerusalem khua ah hung kal hna seh law hi kongah lamkaltu pawl le upa hna kha hung tong hna seh, tiah bia an khiah.

LAMKALTU 15:6

Hi bia ruah ṭi awkah hin lamkaltu hna le upa hna kha an i pum.

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 16:4

Khua khat hnu khua khat an tlawng i an tlawnpah cun zumtu hna cu Jerusalem khua i a ummi lamkaltu hna le upa hna nih an khiahmi phung kha an chimh hna i cu phung cu nan zulh lai tiah an ti hna.