LAMKALTU 15:30 - Lai (Hakha) Common Language Bible 2006

³⁰ Lamkaltu hna cu an thlah hna i Antiok khua ah cun an va kal; khika ah zumtu vialte kha an pumh hna i ca kha an pek hna.

Laibaibal Thiang (BSI)

³⁰ Cuticun an thlah hna i Antiok khua an phân, mizapi kha an kawh hna i ca cu an pêk hna.

LAMKALTU 15:30 Խաչաձեւ Հղումներ

LAMKALTU 16:4

Khua khat hnu khua khat an tlawng i an tlawnpah cun zumtu hna cu Jerusalem khua i a ummi lamkaltu hna le upa hna nih an khiahmi phung kha an chimh hna i cu phung cu nan zulh lai tiah an ti hna.

LAMKALTU 6:2

Cucaah lamkaltu pahleihnih hna nih khan zultu dihlak kha an ningpi in an kawh hna i, “Kannih nih Pathian bia chim kha thlahdorh riangmang i tangka i phawtnak kong lawng kha kan tuah ahcun ahmaan hnga lo.

LAMKALTU 23:33

Sisaria tiang kha an kalpi. Mangki bawi kha ca cu an pek i Paul cu amah kut chungah khan an chiah.

LAMKALTU 21:22

Annih nih hika na phak kha an hngalh ding ṭheo a si. Cucaah cun zeidah tuah awk a si lai?

LAMKALTU 11:19

Steven an thah hnu i hremnak a hung chuakmi nih khan zumtu hna cu a kenkiplo ah a ṭhek dih hna. A cheu cu Foinisia le Saipras le Antiok tiang khan an kal i bia cu Judah mi lawng kha an chimh hna.

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

LAMKALTU 11:27

Cu lio hrawngah cun Jerusalem in Antiok ah khan profet tlawmpal an va kal i

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 15:31

Ca kha an rel tikah thazang peknak bia nih khan an lung a lawmhter ngaingai hna.