LAMKALTU 15:28 - Lai (Hakha) Common Language Bible 2006

²⁸ Hi a herhmi nawlbia hlei in a dang zeihmanh nan cungah khin lo ding kha Thiang Thlarau le kannih kan hnatlaknak a si:

Laibaibal Thiang (BSI)

²⁸ Zeitintiah Thiang Thlarau le kannih nih a biapi mi thil pinlei hna cu thilrit khinh lo dingin kan hna a tla,

LAMKALTU 15:28 Խաչաձեւ Հղումներ

JOHAN 16:13

Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

MATTHAI 11:30

Ka seihnam cu a bei a nuam i ka thil cu a zaang,” tiah a ti.

BIAPHUAN 2:24

Sihmanhsehlaw Thiatira khua i a ummi a dang nih cun hi cawnpiaknak ṭhalo cu nan zul lo i midang nih, “Satan biathli thuk,” an timi cu nan hngal lo. Nannih cungah cun thilrit khinh kan duh hna lo.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

1 KORIN 14:37

Ahohmanh nih Pathian lamkaltu ka si tiin aa ruah ah siseh, thlarau laksawng ngeimi ka si tiin aa ruah ah siseh, a hngalh awk cu, nan sin i ka ṭialmi hi Bawipa nawlbia a si, ti kha a si.

1 KORIN 7:40

Asinain a umning in a um ko ahcun aa lawm deuh lai. Cucu ka ruahnak a si i kei zong Pathian Thlarau ka ngei tiah kaa ruat ko.

LAMKALTU 15:19

“Cucaah kei ka ruahnak ah cun Pathian leiah a hun i mermi Jentail mi hna hi harnak kan pek hna awk a si lo.

LAMKALTU 15:8

Cun minung lungthin a hngaltu Pathian nih Jentail mi a cohlan hnanak cu, kanmah a rak kan pekmi bantuk tein Thiang Thlarau a pek ve hnanak ah hin a lang.

LAMKALTU 5:32

Hi thil vialte hna tehte hi kanmah hi kan si — kanmah lawng si loin Pathian nih amah nawl a ngaimi hna sinah a pekmi Thiang Thlarau zong hi tehte cu a si ve,” an ti.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

1 KORIN 7:25

Aa ṭhi-um rih lomi hna kongah hin, Bawipa sinin hmuhmi bia zei ka ngei lo nain Bawipa vel thawngin zumhawktlak a si vemi bantukin ka ruahnak ka chim lai:

LAMKALTU 15:25

Cucaah kannih cu kan i pum i nan sin i thlah ding lamkaltu hna thim awkah khan kan hna a tla. Annih cu kan dawtmi kan unau hna Barnabas le Paul,

MATTHAI 23:4

Thil kha ritpi in an tom i mi keng cungah an chuan, sihmanhsehlaw annih vial nih cun an kutdong par hmanh in an tawng duh lo.

LAMKALTU 16:4

Khua khat hnu khua khat an tlawng i an tlawnpah cun zumtu hna cu Jerusalem khua i a ummi lamkaltu hna le upa hna nih an khiahmi phung kha an chimh hna i cu phung cu nan zulh lai tiah an ti hna.