LAMKALTU 15:24 - Lai (Hakha) Common Language Bible 2006

²⁴ Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

Laibaibal Thiang (BSI)

²⁴ Kan bu chungin mizeimaw biachim mi nih an buaiter hna tiah kan theih. “Cuarpar nan tan hrimhrim lai i nawlbia zong nan zulh hrimhrim lai, tiah an ti. Cubantuk chim dingin an sinah nawl zeihmanh kan pe hna lo.

LAMKALTU 15:24 Խաչաձեւ Հղումներ

GALATI 5:12

An tuaitamtu hna nih hin a dongh tiang lawlaw in tuah hna seh law ka hei duh hnga dah — an til i dit lawlaw hna seh!

GALATI 5:10

Asinain nan kongah ka lung a hmun ko rih. Bawipa chung i kan i pehtlaihnak nih hin, ruahnak dang an ngei bal lai lo, tiah a ka zumhter i an tuaitamtu hna hi, aho a va si zongah, Pathian nih dan a tat ko lai.

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

GALATI 1:7

A ngaingai ti ahcun, “thawngṭha dang,” timi hi a um lo, asinain hitin ka chimnak cu, nan lung an tuaitamtu hna le Khrih thawngṭha kha thlen aa zuammi an um caah a si.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

2TIMOTE 2:14

Biafang i al lengmang kha ngol u, tiah Pathian hmaiah ralrinnak pe hna law, na mi pawl kha, cucu chim ṭhan lengmang hna. Cu nih cun ṭhatnak zeihmanh a chuahpi lo, a ngaitu kha a hrawh lam a hrawh men hna.

GALATI 5:4

Nawlbia zulhnak thawngin Pathian he remnak hmuh aa zuammi cu Khrih sinin nanmah le nanmah nan i ṭhen ko. Nannih cu Pathian vel leng i a ummi nan si ko.

JEREMIAH 23:16

Ralkapbu Bawipa nih hi bangin a ti: Profet nih an chimmi bia kha ngai hlah u, Ruahchannak pakpalawng in nan lung an thawhtertu hna kha an bia ngai hna hlah u; Annih nih an chimmi langhnak kan hmuh an timi cu anmah lung chungin thil an suaimi chungin a chuakmi a si, Bawipa kaa chungin a chuakmi a si lo.