LAMKALTU 14:3 - Lai (Hakha) Common Language Bible 2006

³ Khika ah lamkaltu hna kha saupi an cam. Bawipa kong kha ralṭha ngaingai in an chim i a velngeihnak kong an chimmi kha ahmaan ti hmuhsaknak caah khuaruahharnak tuah khawhnak kha a pek hna.

Laibaibal Thiang (BSI)

³ Cucaah cuka ah sau nawn an câm, a zângfahnâk bia hngaltu an si bangin Bawipa ah ralṭha in bia cu an chim, hmelchunhnâk le khuaruahharnâk kha an kut in a tuahter hna.

LAMKALTU 14:3 Խաչաձեւ Հղումներ

HEBRU 2:4

Cu pinah annih nih tehte an khaanmi kha ahmaan tinak ah Pathian nih hmelchunhnak le khuaruahharnak le a ṭhawnnak in tuahmi thil phunphun kha a tuah i Thiang Thlarau laksawng kha a duhning in a phawt hna.

LAMKALTU 20:32

“Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

1THESALON 2:2

Thesalonika khua i nan sin kan phak hlanah zeitindah Filipi khua ah an kan serhsat i an kan nihsawh ti cu nan hngalh. Asinain, Pathian nih a Thawngṭha kha nannih chimh awkah ralṭhatnak a kan pek i harnak tampi a um nain kan chim.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

MARKA 16:20

A zultu kha khuazakip ah an kal i thawngṭhabia kha an chim; Pathian nih an sinin rian a ṭuan i an phungchimmi kha ahmaan, tiah ṭhawnnak hmelchunhnak a pekmi hna thawngin a langhter.] [9 Nu hna kha Peter le a hawile sinah khan an va kal i vancungmi nih a rak chimhmi hna kha a tawinak in an chimh hna. 10 Cu hnuah cun Jesuh hrimhrim nih, nichuahlei in nitlaklei tiang, zungzal a hmunmi khamhnak kong bia nung le bia thiang cu a zultu hna thawng khan a thanh.]

LAMKALTU 5:32

Hi thil vialte hna tehte hi kanmah hi kan si — kanmah lawng si loin Pathian nih amah nawl a ngaimi hna sinah a pekmi Thiang Thlarau zong hi tehte cu a si ve,” an ti.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

JOHAN 4:48

Jesuh nih cun a thawh i, “Thil lianngan le khuaruahhar thil a simi nan hmuh lo paoh ahcun nannih nih cun nan zum bal lai lo,” tiah a ti.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.