LAMKALTU 14:16 - Lai (Hakha) Common Language Bible 2006

¹⁶ Hlanah cun mi vialte kha anmah duhning cio lam zulh kha a onh ko hna.

Laibaibal Thiang (BSI)

¹⁶ Cu Pathian nih cun kan hnulei cân vialte ah khan, miphun kip nih anmah lam cio an zulh kha a sian.

LAMKALTU 14:16 Խաչաձեւ Հղումներ

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

SALM 81:12

Cucaah nan lung ṭhawn ning bantukin nan lam kha kan zulhter hna i nan duhmi paoh kha kan tuahter hna.

1 PETER 4:3

Lawkihmi nih an rak tuah tawnmi kha a za ceo nan rak tuah ve ko cang. Pumsa duhnak tehna, hornak tehna, zu ritnak tehna, zu hmun i nuamhnak tehna, bawilamnak tehna le fihnung a simi siasal biaknak tehna kha nan rak tuah hna.

SALM 147:20

Miphun dang hna caah cun mah hihi a tuah hna lo, a phunglam kha an hngal hna lo. Bawipa cu thangṭhat u!

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

MIKAH 4:5

Mi vialte hna cu anmahle an pathian min cio ah an kal ko lai, Sihmanhsehlaw kannih cu Bawipa kan Pathian min in a zungzal in kan kal lai.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

HOSEA 4:17

Israel mi cu siasal nih a molhter cang, amah um in um ko seh;

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;