LAMKALTU 13:49 - Lai (Hakha) Common Language Bible 2006

⁴⁹ khika hrawngah khan Bawipa bia cu a kenkip ah aa ṭhek.

Laibaibal Thiang (BSI)

⁴⁹ Cun Bawipa bia cu cuka hrawng ram dihlak ah a thang dih.

LAMKALTU 13:49 Խաչաձեւ Հղումներ

LAMKALTU 19:10

Cuticun kum hnih chung a tuah i Asia ram chung i a ummi vialte nih, Judah mi si hna seh, Grik mi si hna seh, Bawipa bia kha an theih.

LAMKALTU 12:24

Pathian bia cu a karh i a ṭhang chin lengmang.

LAMKALTU 19:26

Cun hipa Paul nih hin zeidah a tuah ti cu nanmahte nih nan i hmuh khawh i nan i theih khawh fawn ko. Aa thawh i, ‘Mi sermi pathian cu pathian an si lo,’ a ti i Efesa khua ah hin siseh, cun Asia ram chung zongah hin a dihlak dengmang in, mi tampi kha an lung a pemter hna.

LAMKALTU 9:42

Hi thawng nih cun Joppa khua kha a cul dih i mi tampi nih Bawipa kha an zumh.

LAMKALTU 6:7

Cuticun Pathian bia cu a karh chin lengmang. Jerusalem khua chungah khan a zummi cu an tam chin lengmang i tlangbawi tampi zong nih cu zumhnak cu an pom ve.

MATTHAI 9:31

Sihmanhsehlaw an kal i Jesuh kong cu cuka hrawngah cun an thanh dih.

LAMKALTU 13:12

Thil a hung ummi kha a hmuh tikah uktu bawi cu a zummi ah a cang i Bawipa kong an cawnpiakmi nih khan a lung a sukhai ngaingai.