LAMKALTU 13:48 - Lai (Hakha) Common Language Bible 2006

⁴⁸ Jentail mi hna nih cu bia cu an theih tikah an i lawm i Bawipa cu, cu bia ruangah cun an thangṭhat; cun zungzal nunnak hmu dingah thim a simi hna nih khan an zumh i

Laibaibal Thiang (BSI)

⁴⁸ Gentel hna nih cu bia an theih tikah an i lawm ngaingai i Bawipa kha an thangṭhat. Cun zungzal in nung dingah ruahmi vialte nih an zumh.

LAMKALTU 13:48 Խաչաձեւ Հղումներ

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

ROM 11:7

Cun tah zeitin? Israel mi nih an kawlmi kha an hmu lo, sihmanhsehlaw Pathian thimmi mi tlawmte tu nih khan an hmuh; a dang nih khan cun Pathian auhnak kha an hna an i cheh i

JOHAN 10:16

Hi tuurun chung i a um lomi ka ta a simi tuu dang an um. Annih zong kha ka ratpi ve hrimhrim hna lai; ka aw kha an ngaih lai i tuukhal pakhat tangah tuurun run khat ah an cang lai.

JOHAN 11:52

anmah Judah mi ca lawngah si loin Pathian fale aa ṭhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

EFESA 1:19

a zummi hna chung i rian a ṭuantu a ṭhawnnak cu zeitluk in dah a ngan ti kha nan hngalh khawh nakhnga caah a ceunak cu nan hmuh khawhnak hnga, nan lung kha in hunpiak ko hna seh. Hi kan chung i a ummi ṭhawnnak hi,

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

LAMKALTU 22:10

‘Zeidah ka tuah lai, Bawipa?’ tiah ka hal i Bawipa nih cun ‘Tho law Damaskas khua chungah va lut tuah; khika ah Pathian nih na tuah awkah a ruahmi vialte cu an rak in chimh lai,’ tiah a ka ti.

LUKA 7:8

Keimah zong hi bawi ngan deuh kut tang i a ummi ka si, cun keimah kut tang zongah cun ralkap an um ve. Hi pa cu, Kal, ka ti ah a kal ko i khi pa cu, Ra, ka ti ah a ra ko; cun ka sal zong cu, Hihi tuah, ka ti ah a tuah ko, a ti tiah va chim u,” a ti hna.

ROM 13:1

Ram uktu bawi kha an nawl va ngai hna u, zeicahtiah Pa-thian hnatlaknak tel loin nawl ngeitu ahohmanh an um lo i nawl ngei liomi hna hi Pathian nih a chiahmi hna an si.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

LAMKALTU 2:47

Pathian kha an thangṭhat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.

LAMKALTU 20:13

Lawng ah khan kan rak kal chung i Assos lei kha kan panh; cuka ah cun Paul cu kan lawng ah khan a hun i cit ve ding a si. Anih cu tlanglam in a kal caah cuticun nan tuah lai tiah a kan ti tak.

MATTHAI 28:16

A zultu pahleikhat hna cu Galilee ram ah khan an kal i Jesuh nih a chimhmi hna tlang ah khan an kai.

SALM 138:2

Na biakinn thiang hmaiah ka kun i na min kha ka thangṭhat, zeicahtiah na dawtnak cu a fek i zumhawktlak na si, nangmah le na nawlbia cu a sang bik nan si kha na langhter.

2 THESALON 3:1

U le nau hna, a donghnak ah, Bawipa bia cu nan lakah a rak karhter bantuk khan, khulrang in a karh chin lengmang i sunparnak kha a hmuh nakhnga, thla kan campiak u.

1 KORIN 16:15

Stefanas le a innchungkhar kha nan hngalh hna; anmah cu Grik ram chungah Khrihfa a cang hmasa bik an si i Pathian mi hna ca rianṭuan awkah aa pemi an si. Ka u le ka nau hna,

LAMKALTU 15:31

Ca kha an rel tikah thazang peknak bia nih khan an lung a lawmhter ngaingai hna.

LAMKALTU 15:2

Paul le Barnabas nih khan cu kong cu fak piin an al hna; cucaah Paul le Barnabas le Antiok khuami cheukhat kha Jerusalem khua ah hung kal hna seh law hi kongah lamkaltu pawl le upa hna kha hung tong hna seh, tiah bia an khiah.

LAMKALTU 13:42

Paul le Barnabas cu pumhnak inn in an ṭin pah ah khan, hmai Sabbath ni ah ra ṭhan u law hi thil kong hi tam deuh in kan chim ṭhan rih u, tiah an sawm hna.

LAMKALTU 8:8

Cucaah Samaria ah cun lawmhnak nganpi a um.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

LAMKALTU 13:12

Thil a hung ummi kha a hmuh tikah uktu bawi cu a zummi ah a cang i Bawipa kong an cawnpiakmi nih khan a lung a sukhai ngaingai.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

EFESA 1:5

Pathian nih cun kannih cu Jesuh Khrih thawngin a fa i cohlan awk kha a rak timh cangmi le a duhmi a si.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.