LAMKALTU 13:26 - Lai (Hakha) Common Language Bible 2006

²⁶ “Ka u le ka nau hna, Abraham tefa hna le hika i a ummi Jentail mi vialte, Pathian a biami hna: hi khamhnak bia hi kanmah hi pei pek kan si cu.

Laibaibal Thiang (BSI)

²⁶ Ule nau Abraham chungkhar le tefa hna, nan lakah Pathian a ṭihtu vialte hna, hi khamhnâk bia hi nan sinah kan rak phanhpi.

LAMKALTU 13:26 Խաչաձեւ Հղումներ

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

LUKA 1:77

A mi hna kha, nan sual ngaihthiam nan si thawngin khamhnak nan hmu lai, tiah na chimh hna lai.

LUKA 1:69

Kan caah a ṭhawngmi Khamhtu kha a chuahter cang. Amah cu a sal David tefa kha a si.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

LAMKALTU 13:46

Sihmanhsehlaw Paul le Barnabas nih khan ralṭha chinchin in an chimh hna i, “Nannih sin i Pathian bia chim hmasa hi a herh taktakmi a si. Sihmanhsehlaw nannih nih nan duh lo ca le zungzal nunnak hmu dingah aa tlak in nan i ruah lo caah, nannih cu kan in kaltak hna lai i Jentail mi sinah kan kal cang lai.

LAMKALTU 13:43

Zapi cu pumhnak khan an ṭian hnuah Judah mi a tampi le Judah phung a zulmi Jentail mi mi tampi hna nih khan an zulh hna. Lamkaltu hna nih khan annih cu an chimh hna i Pathian vel chung i um camcin awk kha an forh hna.

LAMKALTU 10:35

Mi zei miphun chungmi hmanh a si ah, amah a ṭihmi paoh le dinnak a tuahmi paoh cu a cohlan hna.

LAMKALTU 5:20

“Va kal u law biakinn chungah khan va dir tuah u, cun mizapi kha hi nunnak thar kong kha va chim hna u,” tiah a ti hna.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

MATTHAI 10:6

Israel miphun chungin a tlaumi tuu hna sinah khan va kal u.

MATTHAI 3:9

‘Abraham cu a kan hringsortu a si,’ tiin kan luat lai, tiah i ruat hlah u. Pathian nih hi lung hna hi Abraham tefa ah cun a ser khawh ko hna, ti hi kan chimh hna.

LAMKALTU 16:17

Amah nih cun Paul le kannih kha a kan zulh i, “Hi hna hi Cung Nung Bik Pathian sal an si i anmah nih hin zeitindah khamh nan si khawh lainak kha an in thanh hna,” tiah a au.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

LAMKALTU 28:28

Cun Paul nih cun a donghnak ah, “A si ahcun Pathian khamhnak bia cu Jentail mi hna sinah thlah a si cang. Annih nih cun an ngaih lai,” tiah a ti hna. (

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

2 CHANRELNAK 20:7

Maw kan Pathian, nangmah nih hika ram mi hna cu na mi Israel mi hna hmai i na dawi hna i na hawi Abraham tefa hna sinah zungzal ca in na pe hna lo mei?

JOHAN 6:68

Simon Peter nih a hun leh i, “Bawipa, aho sinah dah kan kal hnga? Zungzal nunnak bia a ngeitu cu nangmah pei na si cu.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

LAMKALTU 22:5

Tlangbawi Ngan le khawngsil upa hna nih khan ka chimmi hi biatak a si kha tehte an khaan khawh. Anmah sin cun Damaskas khua i a ummi Judah mi hna pek awk ca kha kaa lak i cuticun hi mi hna hi tlaih i thir cikcin in khih i Jerusalem khua i hunpi i dantat awkah khan ka kal,” tiah a ti.