LAMKALTU 12:11 - Lai (Hakha) Common Language Bible 2006

¹¹ Khi tikah Peter cu a lung a hung fim i, “Atu cu hihi ahmaan tiah ka hngalh cang! Bawipa nih a vancungmi kha a run thlah i Herod kut chung le Judah mi nih ka cungah an i ruahchihmi vialte chungin a ka khamh,” tiah a ti.

Laibaibal Thiang (BSI)

¹¹ Peter cu a lung a fim i Bawipa nih a vanmi a thlah i Herod kut le Judah mipi hna an i ruahchanmi chungin a ka khamh tiah atu cu ka hngalhfian cang,” tiah a ti.

LAMKALTU 12:11 Խաչաձեւ Հղումներ

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

DANIEL 3:28

Khi tikah Nebukhadnezzar nih cun aa thawh i, “Shadrak, Meshak le Abednego Pathian cu thangṭhat si ko seh. Amah an i bochan ca i siangpahrang nawlbia hmanh zul duh loin a um i an Pathian hleiah pathian dang biak nakcun mei chung i paih hmanh a duh deuhmi a salle hna cu, khamh awkah Amah nih a vancungmi kha a run thlah.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

LAMKALTU 5:19

Sihmanhsehlaw cu zan ah cun Bawipa vancungmi nih thonginn kutka kha a hun hna i lamkaltu kha a chuahpi hna i,

LUKA 15:17

A donghnak ah cun a lung a hung fim i, ‘Ka Pa kuli vialte hmanh nih ei cawk loin ei awk an ngei, kei vial hika ah hin rawlṭam in ka thi cuahmah.

SALM 33:18

Bawipa nih amah a ṭihmi cu a zohkhenh hna i a fekmi a dawtnak aa bochanmi cu him tein a umter hna.

LAMKALTU 12:7

Chikkhatte ah khin Bawipa vancungmi pakhat kha khika ah cun a hung dir i thonginn chung cu a ceu. Vancungmi nih cun Peter cu a liang in a hninh i a ṭhangh, “Khulrang in tho tuah!” tiah a ti. Hmakhatte ah Peter kut cun thirhri cu an tla.

DANIEL 3:25

Cun anih nih, “A si kun ahcun zeicahdah meiphu chungah zeihmanh poi loin aa chawkmi mi pali ka hmuh kun hna; cun a palinak cu pathian a lo fawn,” tiah a leh ve hna.

SALM 109:31

zeicahtiah sifakmi a chanhtu hna cu amah a si i thah awkin an bia a ceihtu hna kut chungin a chuahtu hna cu amah a si.

SALM 97:10

Ṭhat lonak a huami kha Bawipa nih a dawt hna, a mi kha a huhphenh hna i miṭhalo mi pawl kut chung khan a chuah hna.

2 SAMUEL 22:1

Cun Bawipa nih David a ral vialte hna kut chung le Saul kut chungin a chuahter ni ah, hi hla hin Bawipa cu a hloi.

SALM 41:2

Bawipa nih a huhphenh lai i a nunnak kha a zuah lai; ram chungah lunglawm in a umter lai i a ral hna kut chungah a kaltak lai lo.

SALM 34:22

Bawipa nih a sal cu a khamh hna lai; amah tangah aa dormi cu him tein an um lai.

JOB 31:31

Ka sin i rian a ṭuanmi dihlak nih, khualtlung ka donh bal hna lo le

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

LAMKALTU 24:27

Kum hnih a luan tikah Feliks cu Porsias Festas nih a hun thlen. Feliks nih Judah mi nih ka duh hna seh ti kha a duh caah Paul kha thong chungah khan a chiahtak.

JOB 5:19

Amah nih harnak paruk chungin an chuah lai, Pasarih chung zongah ṭhat lonak zeihmanh nih an tawng lai lo.

GENESIS 26:9

Abimelek nih Isak cu ra seh tiah mi a hei thlah i, “Zohhmanh, na nupi a si hrimhrim lai. Zeicahdah ka far a si na ti kun?” a ti. Cun Isak nih cun, “Ka nupi a si ka ti ahcun an ka thah lai ti ka phan caah a si,” ti in a leh.

GENESIS 18:13

Cun Bawipa nih Abraham cu a thawh i, “Zeicahdah Sarah nih a nih i, ‘Hi tluk i ka tar hnuah hin fa cu ka ngei kho ngai hnga maw?’ a ti?

GENESIS 15:13

Bawipa nih cun a thawh i, “Na tefa hna cu ram dang ah khual an si lai, cuka ah cun sal ah an cang lai i kum za li chung hremnak an ing lai.

LAMKALTU 25:9

Festas nih khan Judah mi nih hung ka daw hna seh ti a duh caah Paul cu a thawh i, “Hi sual an in puhmi ruangah hin Jerusalem khua ah kal i ka hmaiah biaceih na duh maw?” tiah a hal.

SALM 33:19

Thihnak chungin a khamh hna i mangṭam tlun caan ah a nunter hna.