LAMKALTU 11:3 - Lai (Hakha) Common Language Bible 2006

³ “Cuarpar tan lomi Jentail mi hna inn ah na tlung i rawl zong na ei,” tiah an rak ti.

Laibaibal Thiang (BSI)

³ “Cuarpar tan lomi innah na lut i rawl na ei,” tiah an ti.

LAMKALTU 11:3 Խաչաձեւ Հղումներ

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

GALATI 2:12

Jeim nih a hun thlahmi pawl an rat hlanah khan cun Peter cu Jentail unau pawl sinah khan rawl a ei lengmang ko. Sihmanhsehlaw an rat hnuah cun a ei duh ti lo, zeicahtiah Jentail mi cu cuarpar tan awk an si a timi pawl kha a ṭih hna.

LUKA 15:2

Farasi mi hna le Phungbia cawnpiaktu saya hna cu an zai i, “Hi pa hi misual mi kha a rak pomhlawm hna i rawl zong a eipi hna,” an ti.

2 JOHAN 1:10

Ahohmanh nan sin i an rat tikah hi cawnpiaknak hi an rak i ratpi lo ahcun, tluninn rak onh hna hlah u; “Na cungah daihnak um ko seh,” ti zongah rak ti hna hlah u.

1 KORIN 5:11

ka rak in chimh duhmi hna cu, Khrihfa ka si ve aa ti ṭung i sualnak a tuahmi, a hak a kaumi, siasal a biami, mi congoih a hmangmi, zu a rimi, mifir a simi, hi hna he hin nan i kom lai lo ka ti duhnak a si; cu bantuk mi hna he cun rawl hmanh hmunkhat ah ei ṭi hlah u.

LAMKALTU 10:48

Cucaah Jesuh Khrih min in tipil in awk kha a fial hna. Cun kan sinah tlawmpal in cam ko rih, tiah an nawl.

LAMKALTU 10:23

Peter nih cun mi hna cu, inn chungah rung lut u, tiah a ti hna i cu zan cu khika ah cun an riak. A thaizing cu aa tim i an sinah khan a kal i Joppa khua i unau cheukhat zong kha an kal ve.

MATTHAI 9:11

Mah cucu Farasi mi nih khan an hmuh hna i cucaah a zultu cu an thawh hna i, “Zeicahdah nan sayapa hi ngunkhuai khawltu hna le misual hna he rawl an ei ṭi?” tiah an ti.

JOHAN 18:28

Jesuh cu Kaiafas inn khan an chuahpi i Mangki bawi inn ah an kalpi. Cu caan cu zingkate a si. Judah mi cu mangki bawi inn chungah khan an lut lo, zeicahtiah phunglam lei in thian i cheh i Lanhtak Puai rawl ei khawh kha an duh.

LAMKALTU 10:32

Joppa khua ah mi hei thlah hna law a min Simon Peter a simi kha va kawhter hna. Amah cu rili kam i a ummi saphaw sertu Simon inn ah a tlung khah,’ tiah a ka ti.