LAMKALTU 10:45 - Lai (Hakha) Common Language Bible 2006

⁴⁵ Judah mi lakah zumtu, Joppa khua in Peter a run zul vemi hna nih khan Jentail mi cung zongah Pathian nih a Thiang Thlarau laksawng kha a toih ve ko ti an hmuh tikah an khuaruah a har.

Laibaibal Thiang (BSI)

⁴⁵ Cuarpar tan zumtu Peter a zultu hna nih Thiang thlarau thilpêk cu Gentel mi hna sin zongah toih a si ruangah mak an ti ngaingai.

LAMKALTU 10:45 Խաչաձեւ Հղումներ

LAMKALTU 10:23

Peter nih cun mi hna cu, inn chungah rung lut u, tiah a ti hna i cu zan cu khika ah cun an riak. A thaizing cu aa tim i an sinah khan a kal i Joppa khua i unau cheukhat zong kha an kal ve.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

EFESA 2:11

Chuahkehnak lei in Jentail mi a simi hna, hlanah zei nan rak si kha i philh hlah u — nannih cu Judah mi nih cuarpartanlo an rak in ti hna, anmah cu cuarpartan an rak i ti; cuarpartan ti nih a sawh duhmi cu mi nih an pum cung i an tuahmi kha a si.

GALATI 2:15

Kannih cu kan chuahkehnak in Judah mi kan si taktak, Jentail misual phun cu kan si taktak lo.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LAMKALTU 11:3

“Cuarpar tan lomi Jentail mi hna inn ah na tlung i rawl zong na ei,” tiah an rak ti.

LAMKALTU 11:2

Cun Peter cu Jerusalem khua i a hung kal ah khan, Jentail mi hna cu an cuarpar i tan hna seh, ti a duhmi hna nih khan an rak soi i,

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.