LAMKALTU 10:30 - Lai (Hakha) Common Language Bible 2006

³⁰ Kornelias nih aa thawh i, “Tihni hmasa hmasa chin ah khan atu tikah hin ka inn ah zanlei suimilam pathum ah thla ka cam. Chikkhatte ah khin puan vaar aa aihmi pakhat ka hmaiah khin a hung dir i

Laibaibal Thiang (BSI)

³⁰ Kornelias nih, “Nili a si cang, atu cân tiang hrawng hi ka innah rawl ka ul i zanlei suimilam pathum ah ka inn i thla ka cam lioah, ngaihmanh, mi pakhat a tleu ngaimi puan aih in ka hmai ah a rak dir,

LAMKALTU 10:30 Խաչաձեւ Հղումներ

LAMKALTU 10:3

Ni khat cu zanlei suimilam pathum tluk ah khin langhnak a hmu i cu langhnak a hmuhmi ah cun Pathian vancungmi pakhat a rung luh i, “Kornelias,” tiah a rung chawnh kha fiang tein a hmuh.

LAMKALTU 1:10

Annih nih a liam riahmah kha an cuanh ko lioah cun, puan rang aih in minung pahnih an pawngah cun chikkhatte ah khin an rung dir i,

LAMKALTU 3:1

Ni khat cu, zanlei suimilam pathum, thlacam caan ah khin, Peter le Johan cu biaknak inn ah khan an hung kal.

LUKA 24:4

Cuka ah cun a zei ti ruah awk hngal loin an dir ko i cu lioah cun chikkhatte ah khin puan rang aa aihmi mi pahnih an pawngah cun an rung dir.

MARKA 16:6

Cu pa nih cun, “Nan thinphang hlah u. Vailam ah an tahmi Jesuh, Nazareth khua mi kha nan kawl ti kha ka hngalh. Sihmanhsehlaw hika ah hin a um ti lo — a tho cang! An vuinak hmun hi zoh hmanh u.

MATTHAI 28:3

A mui cu nimtlau bantuk a si i a hnipuan cu hawhra bantukin an rang.

SALM 55:17

Ka ainak le ka hramnak cu zing siseh, chun ah siseh, zan ah siseh, amah sinah an kai zungzal ko i ka aw cu a ka theihpiak ṭheo lai.

DANIEL 10:12

“Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

LAMKALTU 10:29

Cucaah nan ka auh tikah zeihmanh alnak um lo tein ka ra ko. Cucaah zeicahdah nan ka auh ka chim tuah u,” tiah a ti hna.

LAMKALTU 10:31

a ka thawh i, ‘Kornelias, Pathian nih na thlacamnak kha a theih i sifak na bawmhnak hna kha a philh lo.