LAMKALTU 10:15 - Lai (Hakha) Common Language Bible 2006

¹⁵ Cun aw nih cun a vun chawnh ṭhan i, “Pathian nih a thiang a timi cu zeihmanh nang nih a thianglo ah ruat hlah,” a ti.

Laibaibal Thiang (BSI)

¹⁵ Aw nih a voihnihnâk ah, “Pathian nih a thianter cangmi cu a thianglo na ti awk a si lo,” tiah a ti.

LAMKALTU 10:15 Խաչաձեւ Հղումներ

1 KORIN 10:25

Sa zuarnak i an zuarmi cu zeipaoh va ei ko, na chiaṭha thleidannak ruangah bia bel zeihmanh va hal hna hlah.

MATTHAI 15:11

Mi cu a kaa chung i a lutmi nih a thurter lo, sihmanhsehlaw a kaa chungin a chuakmi tu nih hin a thurter,” a ti hna.

TITAS 1:15

A thiangmi caah cun zeizong vialte hi a thiang dih ko, sihmanhsehlaw a hnawmtammi hna le a zum duh lomi hna caah cun, an lungthin le an chiaṭha thleidannak kha a thur caah, zeihmanh a thiangmi a um lo.

MARKA 7:19

Zeicahtiah a lung chungah lut loin a paw chung tu ah a lut i a pum lengah a chuak ṭhan ko” tiah a ti hna. (Hitihin Jesuh nih a ti tikah hin rawl zeipaoh hi ei awkah aa tlakmi an si ko a ti duhnak a si).

ROM 14:14

Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

LAMKALTU 11:9

Cun aw nih cun vancung cun a run ka chawnh ṭhan i, ‘Pathian nih a thiang a timi thil paohpaoh cu a thianglo ah rel hna hlah,’ tiah a ti.

ROM 14:20

Rawl ruang menmen ah Pathian thil tuahmi kha rawk hlah u. Rawl vialte hi ei awk an si ko lai, sihmanhsehlaw midang kha sualnak chungah a tlukrilhtertu rawl ei cu zei rawl a si hmanh ah sual a si.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

BIAPHUAN 14:20

Mitsur thei cu khuapi leng i a ummi mitsur nennak ah khan an nen hna i mitsur nennak chung cun thisen a chuak i khan za hnih a luang i pe nga tluk a thuk.

LAMKALTU 10:16

Cu thil cu cuticun voi thum tiang a um i cu hnuah van leiah lak ṭhan a si.