LAMKALTU 10:1 - Lai (Hakha) Common Language Bible 2006

¹ Sisaria khua ah hin mipa pakhat a rak um i a min cu Kornelias a si; amah cu Rom ralkapbu pakhat, “Itali Ralkap Bu” timi a haotu kha a si.

Laibaibal Thiang (BSI)

¹ Sisaria khua ah mi pakhat a min Kornelias a um, Itali ralkapbu tiah kawhmi ralbawi pakhat a si.

LAMKALTU 10:1 Խաչաձեւ Հղումներ

LAMKALTU 27:1

Itali ram ah tilawng in nan kal lai tiah bia an kan khiahpiak tikah, Paul le a dang thongtla tlawmpal hna kha Rom ralkap chung i “Siangpahrang Ralkapbu” timi haotu Julias sinah khan an pek hna.

MATTHAI 27:27

Cun Pilat ralkap pawl nih khan Jesuh cu mangki bawi innpi chungah khan an luhpi i an kampani dihlak in an kulh.

LAMKALTU 8:40

Filip cu Ashdod ah khan a hung chuak i Sisaria khua tiang khua kip ah aa chawk i Thawngṭha kha a chimh hna.

LAMKALTU 27:43

Sihmanhsehlaw ralbawipa nih khan Paul kha khamh a duh caah a thlauh hna. Cucaah aa leuh khomi paoh tikam leiah i leuh u, tiah nawl a pek hna;

LAMKALTU 25:1

Cu peng chungah Festas cu a ra phak hnu ni thum ah Sisaria in Jerusalem khua ah a kal.

MATTHAI 27:54

Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, “Hi mi hi Pathian Fapa a si hrimhrim ko,” an ti.

LAMKALTU 27:31

Sihmanhsehlaw ralbawipa le ralkap hna cu Paul nih khan, “Hi lawngcawng pawl hi lawng cung i an um peng lo ahcun nan nung lai lo,” tiah a ti hna.

LAMKALTU 25:13

Cu hnu tlawmpal ah cun Agrippa Siangpahrang le Bernis cu Festas kha hung chawnh ta awkah Sisaria khua ah khan an ra.

LAMKALTU 23:33

Sisaria tiang kha an kalpi. Mangki bawi kha ca cu an pek i Paul cu amah kut chungah khan an chiah.

LAMKALTU 23:23

Cun ralkapbu haotu nih khan ralbawi pahnih kha a auh hna i, “Sisaria i kal awkah ralkap za hnih in va tim hna u; cun rangcung ralkap sawm sarih le feipu za hnih zong va timhter chih hna u law tuzan suimilam pakua ah i thawh dingin i tim u.

LAMKALTU 22:25

Sihmanhsehlaw tuk ding i an hun hren ah khin Paul nih cuka i a dirmi bawi cu a thawh i, “Rom mi a simi, zeidah a sual ti hmanh ceih rih lomi tuk hi, na caah upadi ning a si lai maw?” tiah a ti.

LAMKALTU 21:8

A thaizing ah kan i thawh ṭhan i Sisaria kan phan, khika ah Thawngṭha chimtu Filip inn ah khan kan tlung. Amah cu Jerusalem khua i mi pasarih an thimmi hna lak i pakhat kha a si.

JOHAN 18:12

Ralkap hna le an bawipa le Judah palik hna nih cun Jesuh cu an tlaih i an khih i

JOHAN 18:3

Judas cu dum ah cun a va kal i tlangbawi upa hna le Farasi mi hna nih an fialmi ralkap tlawmpal le biakinn cawngtu palik nih khan an zulh; hriamnam kha an i put i meiinn le meifar zong kha an i vanh.

LUKA 7:2

Cuka i a ummi Rom ralbawi pakhat nih sinum pakhat a ngei i a sinumpa cu a dawt ngaingai; cu pa cu a zaw i a thi dengmang.

MARKA 15:16

Ralkap nih Jesuh cu Mangki bawi inntual ah khan an luhpi i an hawidang zong kha an auh hna.

LAMKALTU 10:24

A kiptuh ah cun Sisaria cu an va phan i cuka ah cun Kornelias le a sahlawh a rualchan hna le a hawikom a rak sawmmi hna nih khan an rak hngah ko.

LAMKALTU 21:31

Mibupi nih khan Paul cu thah an timh lioah khin Jerusalem khua cu a ningpi in a buai cang tiin Rom ralkap a haotu hna bawi kha thawng an thanh.