JUDAS 1:1 - Lai (Hakha) Common Language Bible 2006

¹ Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

Laibaibal Thiang (BSI)

¹ Judas Jesuh Krih ah ṭemmi-sal le Jeim unau pa nih, Pa Pathian nih a thianter i a kawhmi hna le, Jesuh Krih kilvenmi hna sinah:

JUDAS 1:1 Խաչաձեւ Հղումներ

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

JOHAN 14:22

Judas Iskariot a si lomi Judas nih khan, “Bawipa, zeitindah vawlei sinah i phuang loin kanmah sin lawngah naa phuan khawhning cu a si lai?” tiah a ti.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

JOHAN 17:15

Vawlei cung hin la hna tiah kan nawl a si lo, sihmanhsehlaw Mi Ṭhalopa sin khan him tein chia ko hna ti kha kan nawl.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

ROM 8:30

Cucaah a thleidanmi hna cu Pathian nih a kawh hna i a kawhmi hna cu Amah he khan a remter hna; cun amah he a remtermi hna cu a sunparnak zong kha a hrawmh hna.

ROM 6:22

Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.

2TIMOTE 4:18

Cun Bawipa nih ṭhat lonak vialte chungin a ka chuah lai i him tein a vancung Pennak ah cun a ka luhpi lai. Amah cu zungzal in zungzal tiang thangṭhat si ko seh. Amen.

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

EFESA 5:26

Khrihfabu cu ti in thiang tein a ṭawl hnuah Pathian sinah a bia in a pek.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

ROM 9:24

Cucu Hosea cauk chung i rak chimmi kha a si. Zeitindah a ti tiah: “Ka mi a rak si lomi kha, ‘Ka mi,’ ka ti hna lai. Ka rak dawt lomi miphun kha, ‘Ka dawtmi,’ ka ti hna lai.

LAMKALTU 27:23

Zeicahtiah ka biak i a ta ka simi Pathian vancungmi kha zahan ah ka sinah a ra i,

LUKA 6:16

Jeim fapa Judas le rawitu ah a cangmi Judas Iskariot.

LAMKALTU 20:32

“Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.

LAMKALTU 1:13

Jerusalem khua chungah khan an lut i an rak umnak khaan chungah khan an va kal: Peter, Johan, Jeim le Andru, Filip le Thomas, Bartholomew le Matthai, Alfeas fapa Jeim, Phunṭanh Simon le Jeim fapa Judas an si.

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

JOHAN 17:17

Annih cu biatak khan thianter hna: biatak cu nangmah bia kha a si.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 6:39

A ka thlahtu nih tuah seh ti a ka duhmi cu hihi a si: a ka pekmi vialte kha pakhat hmanh thlau loin, ni hmanung bik ni ah nunnak i an dihlak in thawhter dih kha a si.

MARKA 3:18

Andru, Filip, Bartholomew, Matthai, Thomas, Alfeas fapa Jeim, Thaddaius le phunṭanh Simon le

MATTHAI 10:3

Filip le Bartholomew; Thomas le ngunkhuai khawltu Matthai, Alfeas fapa Jeim, cun Tadias;

MATTHAI 13:55

Lehtamapa fapa kha a si ko lo maw? A nu kha Mary hi a si ko lo maw? A naule kha Jeim le Josef le Simon le Judas hi an si lo maw?

MARKA 6:3

Mary fapa, lehtama kha a si lo maw? Jeim le Joses le Judas le Simon hna u kha a si lo maw? A farle zong kha hika ah an um ko lo maw?” an ti. Cucaah cun zei ah an rel lo.

ROM 1:6

cu hna lakah cun nannih, Rom khua ah a um i Pathian nih Jesuh Khrih ta si dingin an kawhmi hna zong nan i tel ve.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.

JUDAS 1:21

Pathian dawtnak chungah khan um ko u. Cun kan Bawipa Jesuh Khrih nih zaang an fah hna ruang i zungzal nunnak an pek hna lai ni cu hngak ko u.