JOSHUA 7:12 - Lai (Hakha) Common Language Bible 2006

¹² Cucaah Israel mi nih an ral hna hmaiah an dir kho lo; annih cu hrawh awk thil ah khan an i can caah an ral hna hmaiah an zaam. Nan lak in pekchanhmi thil kha nan hrawh lo ahcun nan sinah ka um ti lai lo.

JOSHUA 7:12 Խաչաձեւ Հղումներ

ISAIAH 59:2

An theih hna lo cu nan sualnak ruangah a si. Biak nan timh tikah amah sin phanh an dawntu hna cu nan sualnak kha a si.

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

NAMBAR 14:45

Cun cu tlangram i a ummi Amalek mi le Kanaan mi hna nih an rung ṭum i an rung tei hna i an dawi hna, Hormah tiangin.

JOSHUA 6:18

Sihmanhsehlaw hrawh awkah pekchanh ciami thil kha nannih nih nan ulh hna lai, cu ti a si lo ahcun, nannih nih nan pekchanh hna tikah khan pekchanhmi thil pakhatkhat kha nan lak sual hnga i Israel riahhmun cu hrawh awk ca thil ah nan ser hnga i a cungah harnak nan tlunter sual hnga.

DEUTERONOMI 7:26

Cun nan inn chungah thil fihnung nan luhpi lai lo; nan luhpi ahcun chiatserhmi nan si ve sual lai; nan fih hrimhrim lai i nan huat lai, zeitintiah mah cucu chiatserhmi thil a si.

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

HOSEA 9:12

Annih nih fa an ngeih hmanh ah ka lakpiak hna lai i pakhat hmanh ka nganh hna lai lo. Hi mi hi ka kaltak tik hna ah an cungah thil ṭhalo ngaingai a tlung lai.

JEREMIAH 23:33

Hi mi hna nih si hna seh, profet nih si hna seh, tlangbawi nih si hna seh, ‘Bawipa bia thilrit cu zeidah a si?’ tiah an in hal ahcun, annih cu, ‘Nanmah hi a thilrit cu nan si, Bawipa nih nannih cu kan hlonh hna lai,’ a ti, tiah na leh hna lai.

JEREMIAH 6:8

Maw Jerusalem, i ralring tuah, Cu ti a si lo ahcun kan chuahtak lai i Ahohmanh um lonak ram, ṭiaotakmi ah kan ser sual lai.”

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

BIACEIHTU 2:4

Bawipa vancungmi nih hi bia cu Israel mi vialte hna sinah a chim tikah, mi hna cu fak piin an ṭap.

NAMBAR 14:39

Cun Moses nih mah bia hna hi Israel mi vialte kha a chimh hna i an ngaih a chia ngaingai.

BIACEIHTU 16:20

Cun amah nih cun, “Samson, Filistin mi nih an in tlaih cang lai hih!” tiah a ti. Cun aa hngilhnak cun a hun i hlau i, “Voi dang bantuk khan ka chuak lai i keimah le keimah kaa luatter lai,” tiah a ti. Cun anih nih, Bawipa nih a kaltak cang kha a hngal lo.

1 SAMUEL 14:38

Cun Saul nih, “Hika ah hin ra tuah u, mizapi a hruaitu hna nan dihlak in; cun hi sualnak hi zeitindah nihin ah a thawh ti kha hngal u law, hmu tuah u.

SALM 44:10

Kan ral hna hmaiah na kan zamter i kan thil kha an i lak.

SALM 60:10

Na kan hlawt taktak ko cang maw? Kan ralkap cu na kalpi ti hna lai lo maw?

NAMBAR 14:42

Hung kal hlah u, nan ral nih a thah lam an in thah sual hna lai, zeitintiah Bawipa cu nan sinah a um lo.

NAMBAR 14:43

Zeitintiah khika ah Amalek mi le Kanaan mi hna cu nan hmaiah an um i vainam in nan tlu lai. Bawipa cu nan kirtak cang caah Bawipa nih nan sinah a um lai lo,” tiah a ti.