JOSHUA 6:1 - Lai (Hakha) Common Language Bible 2006

¹ Jeriko khua cu a chunglei he a lenglei he Israel mi hna ruangah cun aa khar khipkhep ko; ahohmanh a chuak a lut an um lo.

JOSHUA 6:1 Խաչաձեւ Հղումներ

JOSHUA 2:24

Cun annih nih Joshua sinah, “Bawipa nih ram cu a dihlak in kan kut chungah a kan pek taktak ko cang; cu hleiah cu ram chung ummi vialte hna cu kanmah ruangah an therphang ko,” tiah an ti.

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

JOSHUA 2:7

Cucaah mi nih cun Jordan tiva lei lam ah khan ti tannak hmun tiangin an dawi hna i, a dawitu hna kha an chuah cangka tein kutka kha an khar.

2 SIANGPAHRANG 17:4

Sihmanhsehlaw Assiria siangpahrang nih Hoshea chungah khan rawinak lungthin a hmuh; zeitintiah Izipt siangpahrang So sinah khan lamkal a rak thlah hna i Assiria siangpahrang cu kum khat hnu kum khat ngunkhuai a pek tawnmi kha pe loin a um; cucaah Assiria siangpahrang nih thong ah a thlak i thong chungah cun a ṭem.

JOSHUA 5:15

Cun Bawipa ralkapbu hruitu nih cun Joshua sinah cun, “Na kedan kha i phoih hna; zeicahtiah na dirnak kha hmun thiang a si,” tiah a ti. Cun cu bangin Joshua nih a tuah.

JOSHUA 6:2

Cun Bawipa nih Joshua cu a chawnh i, “Zohhmanh, Jeriko cu a siangpahrang he, a miṭhawng ralṭha hna he tiah, na kut chungah kan pek cang.

JOSHUA 2:1

Cun Nun fapa Joshua nih Shittim in a thli tein mi pahnih ram ngiatu ah a thlah hna i, “Va kal u law ram kha va cuan tuah u, Jeriko ko kha,” tiah a ti. Cun an kal i Rahab a min a simi hlawhhlangnu inn ah an lut i khika ah an tlung.

JOSHUA 16:7

cun Janoah in Ataroth le Naarah tiang a vung kal, Jeriko kha a hei pal pah i Jordan ah a dong.

JOSHUA 18:21

An innchung khar ning cio ah Benjamin phun khua hna cu mah hihi an si: Jeriko, Beth-hoglah, Emek-keziz,

2 SAMUEL 10:5

Mah cucu David kha an chimh tikah anmah don awkah mi a hei thlah hna; zeitintiah an ning a zak ngaingai ko. Cun siangpahrang nih cun, “Nan khahmul a corh ṭhan hlan tiang Jeriko khua ah cam ko u, cun nan ra kir ṭhan te lai,” tiah a ti hna.

2 SIANGPAHRANG 2:4

Elijah nih cun a thawh i, “Elisha, hika ah hin rak um tuah, tiah kan nawl; Bawipa nih Jeriko tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Jeriko an phan.