JOSHUA 3:5 - Lai (Hakha) Common Language Bible 2006

⁵ Cun Joshua nih mi zapi hna cu, “Bawipa nih thaizing ah nan lakah khuaruahhar a tuah lai caah i thianh tuah u,” tiah a ti hna.

JOSHUA 3:5 Խաչաձեւ Հղումներ

JOSHUA 7:13

Tho law, mi zapi kha thianter hna, ‘Thaizing ah i thianh u, zeicahtiah Bawipa, Israel Pathian nih, “Maw Israel, nannih lakah pekchanhmi thil an um, nannih lak in cu pekchanhmi thil cu nan hlonh hna hlantiang nan ral hna hmaiah nan dir kho lai lo,” tiah hi bangin a ti,” tiah chim hna.

LEVITIKAS 20:7

Cu caah i thianter u law, thianghlim tuah u; zeicahtiah kei cu Bawipa nan Pathian ka si.

JOEL 2:16

Hmun khat ah mi kha pum hna u, a thiangmi pumhnak kha tim u, Upa kha au hna u, ngakchia kha pum hna u, hnuktlai lio ngakchia zong kha pum hna u. Aa ṭhi kate mi hna hmanh kha an khaan chung khan ra chuak hna seh law ra hna seh.

1 SAMUEL 16:5

Cun anih nih, “Daihnak in; Bawipa sin i raithawi awkah ka ra; nanmah kha i thianh u law, raithawinak ah cun ka sinah ra ve u,” tiah a ti hna. Cun Jesse le a fapa hna kha a thianh hna i raithawinak ah khan a sawm hna.

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

SALM 86:10

zeicahtiah Pathian, nangmah lawnglawng hi a ṭhawngmi na si, nangmah lawnglawng hi khuaruahhar a tuah khotu na si.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

JOSHUA 3:13

Cun Bawipa, vawlei cung dihlak i Bawipa a simi, a kuang putu tlangbawi hna keza nih Jordan ti a lamh tikah, Jordan ti cu a cat lai i cunglei in a rungmi ti cu bu khat ah an dir lai,” tiah a ti.

JOSHUA 3:15

kuang a putu hna nih Jordan tiva kha an phak i kuang a putu tlangbawi hna ke cu ti chungah aa hnei tikah (rawl ṭuan caan chung cu Jordan tiva hi a kuang a liam ko),

NAMBAR 11:8

Mi nih an char hna i rialnak lung in an rial hna, asiloah sum ah an phomh hna i um in an chuan hna i chang ah an ser hna; ei ah hin chiti he rawhmi chang bantuk a si.

JOSHUA 3:4

zeitintiah hi leiah cu hlan cu nan kal bal lo caah nan kalnak ding lam cu an hmuhsak hna a hau lai. Asinain nanmah le a karlak cu dong thong hnih tluk in aa hlat lai; nan naih lai lo,” tiah nawl an pek hna.

JOSHUA 3:6

Cun Joshua nih tlangbawi hna cu, “Biakamnak kuang kha i lak u law, mi zapi hmaiah lan tuah u,” tiah a ti hna. Cun biakamnak kuang cu an i lak i mi zapi hmaiah cun an kal.

SALM 77:15

Na lianhngannak in na mi cu na khamh hna, na mi Jakob tefa hna le Josef tefa hna cu na khamh hna. Selah