JOSHUA 24:23 - Lai (Hakha) Common Language Bible 2006

²³ Amah nih, “Hi a si ahcun nanmah lak i a ummi ramdang pathian hna kha hlaw hna u law, nan lung in Bawipa, Israel Pathian, cu i hngatchan tuah u,” tiah a ti hna.

JOSHUA 24:23 Խաչաձեւ Հղումներ

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.

PHUNGTHLÛKBIA 2:2

Fimnak leiah na hna na chit i hngalhthiamnak leiah na lungthin na pek ahcun,

SALM 141:4

Thil ṭhalo tuah duhnak ka ngeih sual nakhnga lo le miṭhalo hna thil ṭhalo tuahnak ah kaa tel ve nakhnga lo, ka lungthin hi nangmah nih kham ko; an puai ah cun a tel in i tel hlah ning!

SALM 119:36

Rumnak nakin na nawlbia zulh kha ka duhter deuh.

EXODUS 20:23

Keimah he biak ṭi awkah, sui in siseh, ngun in siseh pathian nan i ser hna lai lo.

HOSEA 14:8

Israel mi nih siasal cu zei ah dah an i tuah ti hna lai? Ka chim cang i ka fehter cang. Cucu hihi a si: Nanmah dornak an petu hna farkung cu keimah ka si; Thluachuahnak nan hmuhmi vialte a hram cu keimah ka si.

1 SIANGPAHRANG 8:58

zeitintiah amah nih kan pupa nawl a rak pekmi hna a nawlbia hna le a phungbia hna le a phunglam hna cu kan zulh hna nakhnga, amah leiah kan lung kha a sor tlukter ko seh.

1 SIANGPAHRANG 8:57

Bawipa kan Pathian cu, kan pupa hna sinah a um bang khan kannih sinah um seh, kan kaltak in a hlawt zong kan hlaw hlah seh;

SALM 81:10

Keimah cu Bawipa nan Pathian ka si, keimah nih Izipt ram in kan chuahpi hna; nan ka ang u law rawl kan pek hna lai.