JOSHUA 23:15 - Lai (Hakha) Common Language Bible 2006

¹⁵ Sihmanhsehlaw Bawipa nan Pathian nih nannih kongah biakamnak a tuahmi thilṭha vialte kha nan caah a tlin bantukte khan, Bawipa nan Pathian nih hi ram ṭha an pekmi hna chung hin an hrawh hna hlantiang Bawipa nih nan cungah thilṭhalo vialte kha a tlunter lai,

JOSHUA 23:15 Խաչաձեւ Հղումներ

1THESALON 2:16

Khamhnak a petu hna ding bia kha Jentail mi cu chim hna hlah u, an kan ti. Annih nih an sualnak cu an tamter chin luaimai i atu cu Pathian thinhunnak nih khan a tlakhnawh hna.

BIACEIHTU 13:1

Cun Israel mi nih Bawipa mithmuh i a ṭha lomi kha an tuah ṭhan hoi i Bawipa nih Filistin mi kut chungah kum sawm li a pek hna.

BIACEIHTU 6:1

Israel mi nih Bawipa mithmuh i a ṭha lomi kha an tuah i Bawipa nih Midian kut chungah kum sarih a pek hna.

BIACEIHTU 3:8

Cucaah Bawipa thinhunnak cu Israel mi cungah a alh i Mesopotamia siangpahrang Kushan-rishathaim kut chungah khan a zuarh hna; cu caah Israel mi nih cun Kushan-rishathaim cu kum riat an rianh.

BIACEIHTU 3:12

Cun Israel mi nih Bawipa mithmuh i thil ṭhalo cu an tuah ṭhan; cun Bawipa nih Moab siangpahrang Eglon cu Israel mi doh awkah a ṭhawnter, zeicahtiah Bawipa mithmuh i thil ṭhalo kha an tuah.

1 SIANGPAHRANG 8:56

“A biakam vialte ningin a mi Israel mi dinhnak a petu Bawipa cu thangṭhat si ko seh; a sal Moses sinin a chimmi a biakam ṭha vialte cu bia pakhat hmanh a pelhmi a um lo.

1 SIANGPAHRANG 14:15

ti chungah phaikung aa hninh lengmang bantuk khin Bawipa nih Israel cu a tuk lai i annih nih an Asherim an i ser hnanak thawngin Bawipa kha a thin an hunter caah, an pupa hna sinah a pekmi hi ram ṭha chung hin Israel mi cu a phawi hna lai i Zufrates tiva ral ah khin a ṭhek hna lai.

ISAIAH 24:6

Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang.

JEREMIAH 32:24

Babilon mi hna nih khuapi cu lak awkah a velchum in kulhnak chuntlung an ser i annih nih an tuk. Raltuknak le mangṭam le rai nih khuapi cu an kut chungah a tlakter lai. Bawipa, nangmah nih na chimmi cu a tling ko cang ti kha na hmuh ko.

JEREMIAH 35:17

Cucaah Ralkapbu Bawipa, Israel Pathian nih Judah mi le Jerusalem mi nan cungah rawhralnak ka tlunter lai tiah ka timi vialte kha ka tlunter lai. Nannih cu kan chawnh hna tikah nan ngai duh lo i kan kawh hna tikah nan ka leh duh lo caah hihi nan cungah ka tuah lai,” tiah a ti.

LEVITIKAS 26:3

“Ka phunglam kha nan zulh hna i ka nawlbia kha nan ulh hna i nan tuah hna ahcun,

JEREMIAH 32:42

“Hi mi hna cungah hi tluk a nganmi ṭhat lonak ka tlunter bantuk hin, anmah ka kamhmi hna ṭhatnak vialte kha ka pek hna lai.