JOSHUA 23:10 - Lai (Hakha) Common Language Bible 2006

¹⁰ Bawipa nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

JOSHUA 23:10 Խաչաձեւ Հղումներ

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

LEVITIKAS 26:8

Nannih lak i panga nih za khat nan dawi hna lai i nannih lak i za khat nih thong hra nan dawi hna lai; nan ral hna cu nan hmaiah vainam in an tlu lai.

DEUTERONOMI 3:22

Nan ṭih hna lai lo, zeitintiah Bawipa nan Pathian cu an dohpiaktu hna a si,’ tiah ka ti.

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

SALM 35:1

A ka dohmi kha do ve hna law a ka tumi kha tu ve hna, Maw Bawipa.

DEUTERONOMI 20:4

zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

JOSHUA 23:3

cun nannih nih Bawipa nan Pathian nih hi miphun vialte hna cungah nan caah a tuahmi kha nan hmuh cang, zeitintiah nannih an dohpiaktu hna cu Bawipa nan Pathian kha a si.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

BIACEIHTU 15:15

Cun laa kharuh tharte hi a hmuh i a hei banh i a hei lak i mah cu cun mi thong khat a thah hna.

2 SAMUEL 23:8

Mah hna hi David nih a ngeihmi miṭhawng hna min cu an si: Takhemon mi Josheb-basshebeth amah cu pathum hna lak i haotu bik a si; amah nih ṭum khat ah minung za riat kha a fei in a thah hna.

BIACEIHTU 3:31

Amah hnuah cun Anath fapa Shamgar a hung si, Filistin mi za ruk caw tuknak fung in a thah hna; amah zong nih Israel kha a luatter ve.

DEUTERONOMI 20:3

mizapi sinah cun, ‘Maw Israel, thei tuah u, nihin cu nan ral doh awkah raltuknak hmun cu nan phan dengmang cang; nan lung der hlah seh, ṭih hlah u, a ther zong ther hlah u, anmah kha ṭih hna hlah u;

DEUTERONOMI 28:7

“Nanmah an dotu hna nan ral hna cu Bawipa nih nan hmaiah a sunghter hna lai; nanmah doh awkah lam pakhat in an ra lai i nan hmaiah lam pasarih in an zam lai.

DEUTERONOMI 32:20

Amah nih, ‘An sinin ka hmai ka thuh lai, An donghnak kha zeidah a si lai ka zoh lai, Zeitintiah annih cu milotlau chan; Zumhawktlak lo fa an si.

JOSHUA 23:11

Cucaah Bawipa nan Pathian cu dawt awkah i ralring ngaingai tuah u.

1 CHANRELNAK 5:22

Raldohnak cu Pathian ta a si caah tampi an thah hna. Cun saltan caan tiang an umnak ah cun khua an sa.

ISAIAH 30:17

Ral pakhat nan hmuh tikah, thong khat nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

LEVITIKAS 26:7

Nan ral kha nan dawi hna lai i nan hmaiah vainam in an tlu lai.

1 CHANRELNAK 5:20

cun annih nih bawmhnak kha an hmuh tikah Hag mi hna le an sir i a ummi vialte hna kha an kut chungah cun pek an si, zeicahtiah raldohnak hmun chungah cun Pathian kha an auh i amah kha an i bochan caah an nawlnak kha a pek hna.