JOSHUA 14:12 - Lai (Hakha) Common Language Bible 2006

¹² Cucaah Bawipa nih kha ni ah a rak chimmi tlangram cu atu ah hin ka pe tuah, zeitintiah Anak mi hna nih zeitindah khika ah kulhmi khualipi hna he an um kha, kha ni ah khan na rak theih cang. Bawipa nih a chim bang khan Bawipa nih a hei ka umpi hnga i ka hei ṭhawl khawh ko hna hnga dah kaw,” tiah a ti.

JOSHUA 14:12 Խաչաձեւ Հղումներ

HEBRU 11:33

Zumhnak in ram ngan pipi kha an tuk hna i an tei hna. A dingmi thil kha an tuah i Pathian nih bia a kamhmi hna kha an hmuh. Chiandeih kha an ka an phih hna,

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

NAMBAR 13:33

Cuka ah cun Nefilim mi (Nefilim in a chuakmi Anak fapa hna kha) kan hmuh hna i kanmah le kanmah cu khaubawk bantuk ceo ah khin kan i hmu i annih sin zongah cu bantuk cu kan si ko,” tiah an ti.

NAMBAR 13:28

Asinain cuka ram i a ummi hna cu an ṭhawng i an khua hna cu kulhmi an si i an ngan ngaingai; cun cu hleiah Anak tefa hna kha cu ka ah cun kan hmuh hna.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

JOSHUA 15:14

Cun Kaleb nih khika in Anak fapa pathum, Sheshai, Ahimah, le Talmai, Anak tefa hna cu, a dawi hna.

SALM 60:12

Pathian kan sinah a ṭan caah kan tei hna lai; kan ral cu amah nih a kan teipiak hna lai.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

BIACEIHTU 1:20

Cun Moses nih a rak chim bang khan Hebron cu Kaleb an pek i Anak fapa pathum hna kha, cu ka cun a dawi hna.

NAMBAR 21:34

Sihmanhsehlaw Bawipa nih Moses cu a chawnh i, “Amah kha ṭih hlah, zeitintiah amah cu a mi vialte le a ram he na kut chungah kan pek cang; Heshbon ah a ummi Amor mi hna siangpahrang Sihon cungah na tuah bantuk khan, amah cungah na tuah lai,” tiah a ti.

DEUTERONOMI 1:28

Khuazeika ah cun dah kan hung kal lai? Kan unau hna nih, “Cu mi hna cu kanmah nakin an ngan deuh i an sang deuh; khua hna cu an ngan i an kulhnak hau hna cu van an tawng; cuhleiah Anak tefa hna zong kha khika ah cun kan hmuh fawn hna,” tiin kan lung kha an kan zorter,’ tiah nan ti.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

DEUTERONOMI 9:1

“Ngaihmanh, maw Israel, nangmah nakin a lianngan deuh le a ṭhawng deuhmi miphun hna, van tawng in kulhmi khua lianngan pipi a ngeimi hna,

DEUTERONOMI 9:3

Nangmah hmaiah kanghtu mei bangin a kalmi cu Bawipa na Pathian a si kha nihin ah hin hngal tuah; amah nih na hmaiah a hrawh hna lai i a tei hna lai; cucaah Bawipa nih bia an kam bangin na ṭhawl hna lai i khulrang tein na hrawh hna lai.