Sihmanhsehlaw Sihon nih Israel cu a ram tanter kha a awnh duh hna lo. A mi vialte kha a pumh hna i ramlak ah Israel doh awkah cun a kal i Jahaz a phan i Israel kha a tuk.
Sihmanhsehlaw Sihon nih Israel mi hna cu a ram chungin kal awkah a zum hna lo; cucaah Sihon nih a mi vialte kha a pumh hna i Jahaz ah an riak i Israel mi kha an doh hna.
Heshbon khuami hna le Elealeh khuami hna cu an ai i an ai thawng cu Jahaz khua tiang a thang. Ralkap hmanh an tha a therh hna, an ralṭhatnak kha a lo dih cang.
Heshbon khuami hna le Elealeh khuami hna cu an ai i an ai thawng cu Jahaz tiangin a thang; Zoar i a ummi hna nih an rak theih i Horonaim le Eglath-shelishiyah tiangin a thang. Nimrim tivate hmanh kha a car dih.
