JOSHUA 11:6 - Lai (Hakha) Common Language Bible 2006

⁶ Cun Bawipa nih Joshua cu a chawnh i, “Annih kha ṭih hna hlah, zeicahtiah thaizing atu tikah hin an dihlak in thah cia in Israel mi sinah ka pek hna lai; an rang cu an tha nan pheh hna lai i an rangleng cu mei in nan khangh hna lai,” tiah a ti.

JOSHUA 11:6 Խաչաձեւ Հղումներ

JOSHUA 10:8

Cun Bawipa nih Joshua cu a chawnh i, “Ṭih hna hlah, zeitintiah annih cu na kut chungah kan pek cang hna; anmah lakah na hmaiah a dir khomi pakhat hmanh an um lai lo,” tiah a ti.

2 SAMUEL 8:4

Cun David nih amah sin khan rangcung ralkap thong khat le za sarih le ke ralkap sang hnih a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng za khat ca i a za ding lawnglawng kha a nganh hna.

1 SAMUEL 11:9

Cun a rami lamkaltu hna sinah cun, “Jabesh-gilead mi sinah cun hi bangin nan va chim lai: ‘Thaizing ni a hung linh vuaimai tikah khin, luatnak nan hmu lai,’ tiin,” tiah a ti. Lamkaltu hna kha an rat i Jabesh mi hna kha an chimh tik hna ah, an lung aa lawm.

BIACEIHTU 20:28

Aaron fapa Eleazar i fapa Phinehas nih khi caan lioah a hmaiah rian a ṭuan) annih nih, “Kan unau Benjamin mi hna kha doh awkah kan chuak rih lai maw, asiloah kan ngol lai dah?” tiah an ti. Cun Bawipa nih, “Hung kal u; zeitintiah thaizing ah cun annih cu nan kut chungah kan pek hna lai,” a ti.

JOSHUA 11:9

Cun Bawipa nih a fial bantukin Joshua nih an cungah a tuah; an rang kha an tha an pheh hna i an rangleng kha mei in a khangh hna.

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

ISAIAH 31:1

Bawmhnak hal awkah Izipt i a vung kalmi cu an lo cang. An i bochanmi cu Izipt ṭhawnnak kha a si — a rangtum hna le a rangleng hna le a ralkap hna kha an si. Sihmanhsehlaw Bawipa, Israel Pathian Thiang kha cu an i bochan lo, bawmhnak zong an hal duh lo.

ISAIAH 30:16

Tlik a mumi rang kan i cit hna lai i cuticun kan ral hna kut in kan luat lai tiah khua nan khan. Asi, nan hmaan ko, nan zam a herh taktak lai. Sihmanhsehlaw kan rang cu an ṭhawng ve ko, tiah nan ruat lai nain nanmah an dawitu hna rang cu an ṭhawng chinchin lai.

PHUNGTHLÛKBIA 20:7

Mipa cu a nunning kha a din i a ṭhat ahcun, a hnu i a tefa hna cu thluachuakmi an si.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

2 CHANRELNAK 20:16

Thaizing ah vung do hna u; zohhmanh, Ziz hung kainak khan an hung lai; nelrawn dongh, Jeruel ramlak nichuahlei ah khan nan hmuh hna lai.

JOSHUA 3:5

Cun Joshua nih mi zapi hna cu, “Bawipa nih thaizing ah nan lakah khuaruahhar a tuah lai caah i thianh tuah u,” tiah a ti hna.

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

JOSHUA 11:5

Cun hi siangpahrang vialte hna nih cun an ralkapbu vialte cu an fonh hna i Israel mi kha doh awkah Merom ti ah cun an ra i an riak,

JOSHUA 11:7

Cucaah Joshua le a ralkap vialte hna nih cun Merom ti pawngah cun duak tiah an va pauh hna i an nam colh hna.

BIACEIHTU 7:9

Khi zan ṭhiamṭhiam ah cun Bawipa nih amah cu, “Tho law, an riahhmun cu vung do tuah, zeitintiah na kut chungah kan pek cang.

EZEKIEL 39:9

Israel ram khuami hna nih khan an chuak lai i hi hriamnam hna cu mei tih awk thing ah an hman hna lai: phawpi he phawte he; li le thal, thingtan le fei — kum sarih chung hi thil hna hi mei tih awkah an hman hna lai.

NAHUM 2:13

Nangmah cu kaan ralchanh, tiah Bawipa nih a ti. Naa porhlawtnak cu meikhu bangin dih lakin ka chuahter lai i Vainam nih na fale cu a thah hna lai. Vawlei cungah hin sa seh awk kan nganhpiak ti lai lo i Na rawl ei thawng cu theih a si ti lai lo.

2 SIANGPAHRANG 6:16

Anih nih a thawh i, “Ṭih hlah, zeitintiah kan sin i a ummi hna cu an sin i a ummi hna nakin an tam deuh,” tiah a ti.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.