JOSHUA 10:14 - Lai (Hakha) Common Language Bible 2006

¹⁴ Cu bantuk ni, Bawipa nih minung aw a ngaih ni bantuk kha, cu hlanah siseh cu hnuah siseh a um bal lo; zeitintiah Bawipa nih Israel cu a dohpiak.

JOSHUA 10:14 Խաչաձեւ Հղումներ

DEUTERONOMI 1:30

Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,’ tiah ka ti.

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

JOSHUA 23:3

cun nannih nih Bawipa nan Pathian nih hi miphun vialte hna cungah nan caah a tuahmi kha nan hmuh cang, zeitintiah nannih an dohpiaktu hna cu Bawipa nan Pathian kha a si.

LUKA 17:6

Bawipa nih cun a leh hna i, “Nannih nih anṭam ci ngaw zumhnak nan ngeih ahcun, hi thingtheihmung kung hi, ‘Na hram in i phawi law rili ah khin vaa phun,’ nan ti ah nan nawl an ngaih ko hna lai,” tiah a ti.

ISAIAH 38:8

Cu hmelchunhnak cu hihi a si lai: Siangpahrang Ahaz nih a sermi ni tahnak kheng ah khan Bawipa nih ni thla cu dikiri pahra hnulei ah a kirter ṭhan lai,” a ti. Cuticun ni thla cu dikiri pahra hnulei ah khan a kir ṭhan.

JOSHUA 10:15

Cun Joshua le Israel mi vialte cu an riahhmun Gilgal ah cun an kir dih ṭhan.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.