JOHAN 9:7 - Lai (Hakha) Common Language Bible 2006

⁷ “Va kal law Siloam Tidil ah na hmai vaa phiah,” tiah a ti. (Siloam sullam cu Thlah ti a si). Cucaah mipa cu a va kal i a hmai cu a va phiah i khua hmu in a rak kir.

Laibaibal Thiang (BSI)

⁷ Cun a sinah, “Siloam tidil ah vâ ṭawl, tiah a ti. (Siloam sullam cu “Thlah” tinâk a si) Cuticun a kal i â ṭawl hnu ah mitdei in a rak kir.

JOHAN 9:7 Խաչաձեւ Հղումներ

ISAIAH 35:5

Mitcaw nih khua an hmuh lai i hnachet nih khua an theih lai.

JOHAN 11:37

Sihmanhsehlaw a cheu nih, “Mitcaw hmanh a mit a deiter a si lo maw? Lazaruh hi thi loin a umter kho kun lo maw?” an ti.

JOHAN 9:11

Anih nih, “Mipa pakhat a min Jesuh an timi nih, tlak kha a ser i ka mit ah a ka nalh i, ‘Siloam ah va kal law na hmai vaa phiah,’ tiah a ka ti. Cucaah ka va kal i ka vun i phiah cangka khua ka hmu kho,” tiah a leh hna.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

ISAIAH 8:6

“Hi mi hna nih hin, dai tein a luangmi Shiloah tiva ti kha an duh lo i Rezin le Remaliah fapa hmaiah a ther in an ther caah,

SALM 146:8

mitcaw kha khua hmuhnak a pek hna. Ṭhumhnak a ingmi kha a cawi hna i a dingmi a mi kha a dawt hna.

LUKA 13:4

Siloam i innsang nih a nenhmi pahleiriat hna kha tah? Hiti an thihnak nih hin annih kha Jerusalem khua chung i a ummi midang vialte hna nakin an sual deuh tiah a langhter tiah nan ruah maw?

ISAIAH 42:7

Mitcaw cu an mit na auter hna lai i a muimi thonginn chungah a ṭhumi cu na luatter hna lai.

NEHEMIAH 3:15

Cun Kolhozeh fapa Shallum, Mizpah peng a uktu nih khan Cerhti Kutka kha a remh; amah nih cun a ser ṭhan i a khuh i a innkhar hna le a hrenhnak awng hna le a hrenhnak fung hna kha a bunh hna; cun amah nih cun siangpahrang dum chung i Shelah Tidilnak vampang cu David Khua i a vung kalmi lamhbak tiang khan a remh.

EXODUS 4:11

Bawipa nih cun a thawh i, “Minung hi a ka cu aho nih dah a pek? Aho nih dah hnachet in a tuah i holh kho lo in a ser? Aho nih dah hmuhnak a pek i aho nih dah a mit a cawtter? Cu ti a tuahtu cu Bawipa hi ka si lo maw?

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

JOHAN 10:36

Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

JOHAN 9:39

Jesuh nih cun, “Hi vawlei cung i ka run hi, mitcawmi nih khua an hmuh i khuahmumi cu mitcaw ah an i can nakhnga, biathlehnak tuah awkah a si,” tiah a ti.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

ISAIAH 43:8

Pathian nih aa thawh i, “Ka mi cu biaceihnak hmun ah au hna u. Mit cu an ngei, sihmanhsehlaw khua an hmu lo, hna cu an ngei, sihmanhsehlaw khua an thei lo.

ISAIAH 32:3

An mi nih an herh an baumi kha hmu lo le thei loin an um lai lo.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.