JOHAN 7:32 - Lai (Hakha) Common Language Bible 2006

³² Farasi mi hna nih khan mizapi, cu bantukin a thli in an i ceih kha an theih caah, anmah le tlangbawi upa pawl nih khan Jesuh va tlaih awkah cun biakinn vengtu palik kha an hei thlah hna.

Laibaibal Thiang (BSI)

³² A kong i mizapi an i caih len kha Farasih hna nih an rak theih, cuticun Farasih hna le tlângbawi hna nih Amah tlaitu dingah palik kha an thlah.

JOHAN 7:32 Խաչաձեւ Հղումներ

LAMKALTU 5:26

Cucaah biakinn cawngtu hna bawi cu a mi hna he khan an va kal i lamkaltu cu an ratpi ṭhan hna. Annih nih mizapi nih lung in an kan cheh sual lai ti kha an phan caah thazang cu an hmang ngam lo.

JOHAN 18:3

Judas cu dum ah cun a va kal i tlangbawi upa hna le Farasi mi hna nih an fialmi ralkap tlawmpal le biakinn cawngtu palik nih khan an zulh; hriamnam kha an i put i meiinn le meifar zong kha an i vanh.

JOHAN 12:19

Cu tikah Farasi mi hna nih cun, “Kan ti ṭheo lo maw, kan ti kho ti lo hih. Vawlei pumpi nih an zulh cang hih,” tiah pakhat le pakhat an i ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

1 SAMUEL 19:20

Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.

MATTHAI 12:14

Cun Farasi mi hna cu an kal i Jesuh thah khawhnak ding khua kha an khang.

MATTHAI 26:58

Peter nih lamhlat nawn khin a zulh i Tlangbawi Ngan inntual tiang kha a va kal. Inntual chungah khan a va lut i zeitindah thil a hung umtuning a si lai ti hngalh duh ah ralveng pawl sinah khan a ṭhu.

JOHAN 7:30

Cun annih nih tlaih kha an zalh, sihmanhsehlaw ahohmanh nih an tlai kho taktak lo, zeicahtiah caan kha a rem deuh rih lo.

JOHAN 11:46

Sihmanhsehlaw a cheu cu Farasi mi hna sinah khan an va kal ṭhan i Jesuh tuahmi kha an va chimh hna.