JOHAN 5:42 - Lai (Hakha) Common Language Bible 2006

⁴² Sihmanhsehlaw nannih cu kan hngalh ko hna; nan lung chungin Pathian nan daw lo ti kha ka hngalh ko.

Laibaibal Thiang (BSI)

⁴² Nannih kan hngalh hna, nan chungah Pathian dawtnâk nan ngei lo.

JOHAN 5:42 Խաչաձեւ Հղումներ

1JOHAN 4:20

Mi zeimaw nih, “Pathian ka dawt,” a ti i a unau a huat ṭung ahcun, amah cu mi lihchim a si. Zeicahtiah a hmuhmi a unau hmanh a dawt khawh lo ahcun a hmuh lomi Pathian cu a daw kho lai lo.

1JOHAN 3:17

Mipa pakhat cu mirum a si nain a unau herhbaunak kha a hmuh tikah a lung innka a khar ahcun, zeitindah Pathian ka dawt tiah a ti khawh lai?

1JOHAN 2:15

Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.

JOHAN 2:25

Minung kong ah hin aho chimh hmanh a herh lo, zeicahtiah an lung chungah zeidah a um ti kha a hngalh dih ko.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

JOHAN 8:55

Nannih nih cun nan hngal bal lo, sihmanhsehlaw kei nih cun ka hngalh. Ka hngal lo ti ning law, nanmah bantuk milihchim ka si ve hnga. Sihmanhsehlaw ka hngalh taktak ko i a bia kha ka ngaih.

JOHAN 8:47

Pathian sinin a rami nih cun Pathian bia kha a ngaih, sihmanhsehlaw nannih cu Pathian sinin a rami nan si lo i cucaah cun nan ngaih duh lonak cu a si,” tiah a ti hna.

JOHAN 8:42

Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

JOHAN 5:41

“Mi sinin thangṭhatnak hmuh ding kha ka kawl lo.

JOHAN 5:43

Ka Pa nawl in a rami ka si, sihmanhsehlaw nan ka cohlang lo; midang pakhatkhat amah nawl in a rat tikah nan rak cohlan te ko ṭung lai.