JOHAN 4:48 - Lai (Hakha) Common Language Bible 2006

⁴⁸ Jesuh nih cun a thawh i, “Thil lianngan le khuaruahhar thil a simi nan hmuh lo paoh ahcun nannih nih cun nan zum bal lai lo,” tiah a ti.

Laibaibal Thiang (BSI)

⁴⁸ Jesuh nih, “Hmelchunhnâk le khuaruahharnâk nan hmuh lo ahcun nan zum hrim lai lo,” tiah a ti.

JOHAN 4:48 Խաչաձեւ Հղումներ

JOHAN 20:29

Jesuh nih cun, “Na ka hmuh caah na ka zumh. Sihmanhsehlaw keimah hmu loin a ka zummi hna caah cun lunglawmh awk a va si dah,” tiah a ti.

HEBRU 2:4

Cu pinah annih nih tehte an khaanmi kha ahmaan tinak ah Pathian nih hmelchunhnak le khuaruahharnak le a ṭhawnnak in tuahmi thil phunphun kha a tuah i Thiang Thlarau laksawng kha a duhning in a phawt hna.

1 KORIN 1:22

Judah mi nih cun, ahmaan maw hmaan lo ti hngalh khawhnak ding caah khuaruahharnak um kha an duh, cun Grik mi hna nih cun fimnak kha an kawl,

DANIEL 4:2

Thluachuahnak vialte cu nan ta si ko seh. Cung Nung Bik Pathian nih ka caah a tuahmi hmelchunhnak hna le khuaruahharnak hna cu chim ṭhan ka duh hna:

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

JOHAN 12:37

Cu bantukin hmelchunhnak tampi kha an mit hmuh hrimhrim ah a ser ko nain an zum lo,

2 KORIN 12:12

Nanmah sin i lungsau thinfual in rian ka ṭuannak ah khan lamkaltu ngaingai ka sinak cu a lang ko, cucu hmelchunhnak hna le khuaruahharmi thil le thil lianngan tuahmi hna nih khan an fianter ko.

ROM 15:19

Thiang Thlarau ṭhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngṭha kha tlamtling tein ka chim.

LAMKALTU 14:3

Khika ah lamkaltu hna kha saupi an cam. Bawipa kong kha ralṭha ngaingai in an chim i a velngeihnak kong an chimmi kha ahmaan ti hmuhsaknak caah khuaruahharnak tuah khawhnak kha a pek hna.

MARKA 13:22

Zeicahtiah Messiah deu le nal profet hna kha an chuak lai. Pathian thimmi hna hmanh kha, a si khawh chungin hlen khawhnak dingah hmelchunhnak le khuaruahharnak an ser hna lai.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

LAMKALTU 2:43

Lamkaltu hna kha Pathian nih khuaruahharnak le hmelchunhnak tampi a tuahter hna i cu nih cun mizapi kha ṭihnak in a khahter hna.

JOHAN 2:18

Judah upa pawl nih khan amah cu an fuh ṭhan i, “Hi thil tuahnak nawl na ngeih hi na kan hmuhsak khawh nakhnga khuaruahnak zeidah na tuah khawh?” tiah an hal.

LUKA 16:31

Sihmanhsehlaw Abraham nih, “Moses le profet kha an bia an ngaih hna lo ahcun, mi pakhatkhat cu thihnak in a thawh hmanh ah an zum hlei lai lo,” a ti.

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

2 THESALON 2:9

Miṭhalo Pa cu Satan ṭhawnnak in a ra lai i khuaruahharnak a phunphun le hlennak hmelchunhnak a phunphun kha a tuah hna lai i

LAMKALTU 15:12

Barnabas le Paul nih, Pathian nih Jentail mi hna lakah a hman hna i anmah thawngin khuaruahharnak a tuahmi vialte kha an chim tikah, annih cu an ningpi in dai tein an um.

LAMKALTU 7:36

A miphun kha Izipt ram in a chuahpi hna i Izipt ram le Rili Sen le thetse ram ah khan kum sawm li chung khuaruahhar le hmelchunhnak thil kha a tuah hna.

LAMKALTU 6:8

Pathian nih thluachuahnak tampi a pekmi le ṭhawnnak in a khatmi Steven nih khan mizapi lakah khan a liannganmi khuaruahharnak le hmelchunhnak kha a ser hna.

LAMKALTU 5:12

Khuaruahharnak tampi le hmelchunhnak tampi kha lamkaltu hna nih cun mizapi lakah khan an tuah.

LAMKALTU 4:30

Mi nih damnak an hmuh nakhnga na kut cu samh law a thiangmi na Sal Jesuh min in khuaruahharnak le hmelchunhnak cu umter ko hna,” tiah an ti.

LAMKALTU 2:19

Cunglei van ah khin khuaruahharmi thil ka tuah hna lai i Tanglei vawlei ah hin hmelchunhnak ka umter hna lai — thisen le mei le a chahmi meikhu an si lai.

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

LUKA 10:18

Jesuh nih a leh hna i, “Satan kha van in nimtlau bantukin a tlak kha ka hmuh.

MATTHAI 27:42

“Midang cu a khamh ṭung hna, amah vial aa khamh kho ṭung lo. Israel Siangpahrang cu a si kun lo maw? Vailam tahnak cung khan atu te ah hin rung ṭum seh law pei kan zumh hnga cu.

MATTHAI 16:1

Farasi mi le Sadusi mi tlawmpal kha Jesuh sinah cun an ra i amah kha foih an duh caah, vancung in a rungmi khuaruahhar kan hmuhsak tuah, an ti.

DANIEL 6:27

Amah cu khamhtu, chuahtertu, hmelchunhnak le khuaruahharnak van le vawlei cungah a sertu a si, Amah nih Daniel cu chiandeih hna ṭhawnnak chungin a khamh cang,” a ti.

JOHAN 4:49

Cu bawi nih cun aa thawh i, “Bawipa, ka fa a thih hlanah ra ko,” tiah a leh.